आज लक्ष्मी पूजा- गाइको तिहार

आज यमपंचकको तेश्रो दिन— गाई तिहार। समृद्धि र सम्पन्नताकी प्रतीक गौमताको पूजा गर्ने दिन। प्राचीन कालदेखि नै गाईको दूध, मल-मुत्रबाट लाभान्वित हुँदैआउन पाएकोमा गाईप्रति श्रद्धा र कृतज्ञता व्यक्त गर्दै हिन्दुहरु गाईलाई माला र टीका लगाइदिने र मिठो घाँस तथा अन्य खानेकुरा खान दिनेगर्दछन। घरहरु सफा गर्दछन र ढोका तथा झ्याल सयपत्री (हजारी) तथा सुपारे फूलका मालाले सजाउने चलन छ। 

बेलुकि घरका ढोका र झयालका ठेलाहरुलगायत चारैतिर दिया अथवा मैनबत्तीका साथसाथै विभिन्न रंगका बत्तीहरु बालेर सारा घर-आँगन झालाकार बनाई लक्ष्मीको आराधना गरिन्छ,  धनधान्यकी देवी लक्ष्मीलाई घरमा आह्वान गरिन्छ। यसै साँझदेखि आधा रातसम्म केटीहरु मादल आदि बाजा बजाउदै घर-घर पुगी भैंली खेल्दछ, र उठेको पैसा, मिठाई, सेल रोटी आदि सबैमा बराबर भाग लगाएर लिन्छन। ।   

यमपन्चक पाँच दिन मनाइए पनि तिहारको रमाइलो खासगरी आज लक्ष्मी पूजाका दिनदेखि शुरु हिन्छ।

हार्दिक शुभकामना सबैलाई लक्ष्मी पूजाका उपलक्षमा ...

आजै, मंगलवार विहान ६ बजेर ३४ मिनेटसम्म चतुर्दशी उप्रान्त औँस तिथी परेकाले विहान कुकुर तिहार पनि मनाइयो। विहान कुकुरको पूजा गरी माला लगाइदिएर, मिठो खाने कुरा खुवाइयो । घरपालुवा पशुको रुपमा पालिने कुकुरलाई कुकुर तिहारका दिन यमदूतका रुपमा पूजा गर्ने प्रचलन छ । कुकुर तिहारलाई नरक चतुर्दशी पनि भनिन्छ । नरक चतुर्दशीका दिन रातको अन्तिम प्रहरमा शरीरमा तेल घसी स्थान गर्ने र सोही दिन नरक चतुर्दशीका अवसरमा नर्के बग़ाउने चलन पनि छ।