अर्काको अपमान गरेर सहमति खोज्नु राम्रो होइन: दाहाल

एकिकृत नेपका माओवादीका अध्यक्ष पुष्पकमल दाहालले प्रधानमन्त्री बाबुराम भट्टराईलाई 'अछुतो' ठानेर प्रतिपक्षीहरुसङ्ग सहमति हुन नसक्ने कुरा बताउनुभएको छ । बुधबार विहान उहाँको निवासमा पत्रकारहरुसङ्ग कुरा गर्दै अध्यक्ष दाहालले सबै विषयमा सहमति भए पनि सरकारका विषयमा आएर कुरा अड्किएको जानकारी दिनुभयो । 

'हाम्रो चाहना बाबुरामजीकै नेतृत्वमा सहमतिको सरकार निर्माण गरेर जाऔं भन्ने हो,' उहाँले भन्नुभयो, 'बाबुरामजीलाई अछुतो ठानेर सहमति गर्नु राम्रो होइन ।' तथापी, सहमतिका लागि सबै विकल्पमा छलफलका लागि आफ्नो दल तयार रहेको कुरा बताउनुभयो ।

बैशाखमा निर्वाचन गर्ने सन्दर्भमा निर्वाचनप्र क्रियामा पनि सहमति भइसकेको दावी गर्दै दाहालले सामानुपातिक सदस्य संख्याका बारेमा मात्र  टुंगो लगाउन बाँकी रहेको कुरा बताउनुभयो ।

२००७ साल र २०४६ सालमा आएको परिवर्तन प्रतिगमनकारीहरुको चलखेलका कारण संस्थागत हुन नसकेको स्पष्ट पार्दै अध्यक्ष दाहालले  अहिले फेरि सहज निकास दिन नसके प्रतिगमनकारीहरुले मौकाको फाइदा उठाउने खतरा विद्यमान छ भन्नुभयो ।

मेरो विचार: हालसम्मको गतिविधितिर निस्पक्ष दृष्टि लगाउने हो भने नेपाली कांग्रेस र नेकपा एमाले सहमति गर्न चाहन्छन जस्तो लाग्दैन। अनावश्यक कुरामा अड्डी लिएर समय विताउने, माओवादीले सत्ता कब्जा गर्ने रणनीति बनायो, सहमति गर्न चाहेन भनेर हल्ला गर्ने र उसलाई बदनाम गर्ने काम मात्र नेपाली कांग्रेस र नेकपा एमालेले गरिरहेको देखिन्छ। नत्रभने राष्ट्रपतिले चिठी लेखेर 'काम चलाउ' बनाइसकेका प्रधान मन्त्रीको राजिनामा मागेर छ महिना बिताउनुको अर्थ के हुन्छ ? 

तपाई कामचलाउ भैसक्नुभयो भनेर राष्ट्रपतिले चिट्ठी थमाइसकेका प्रधानमन्त्री बाबुराम भट्टराईको राजिनामा माग्नु आफैमा हास्यास्पद भएन र ?

कामचलाउ त अर्को सरकार गठन नहोउन्जेलका लागि मात्र होइन र? अनि नया प्रधानमंत्रीको नाम लिएर राष्ट्रपतिकाहाँ जान कांग्रेस-एमालेलाई कसले रोकेको छ ? किन यो किचलो? नेपाली जनतालाई उल्लु बनाउन खोजेको?