विश्वव्यापी रुपमा भ्रष्टाचार विरोधी अभियानमा लागेको ट्रान्सपरेन्सी इन्टरनेसनलले आज बुधबार सार्वजनिक गरेको प्रतिवेदनमा नेपाल अति भ्रष्टाचार हुने मुलुकहरुको सूचीमा परेको छ।
एक सय सूचक अङ्क राखेर मुल्यांकन गर्ने परम्पराअनुसार, सय अंकले न्यून भ्रस्टाचार र शून्य अंकले अधिकतम भ्रष्टाचारलाई जनाउँछ । त्यसैगरी कम भ्रस्टाचार हुने मुलुकलाई क्रमांकमा माथि र बढी भ्रस्टाचार हुने मुलुकलाई तल सुचिकृत गरिन्छ। मुल्यांकनमा नेपालले २७ अंक मात्र प्राप्त गरेको छ । यसरी विश्वका एक सय चवत्तर मुलुकमध्ये नेपाल एक सय उनन्चालीसौं स्थानमा रहेको छ जसले नेपालमा भ्रष्टाचार उत्कर्समा छ भन्ने कुरा देखाउँछ। गत वर्ष नेपाल एक सय चवन्नौं स्थानमा थियो।
तथापि, दक्षिण एसियाली मुलुकहरुमा नेपाल बंगलादेश र आफगानिस्तानको तुलनामा कम भ्रस्टाचार हुने मुलुक ठहरिएको छ । दक्षिण एसियाका अन्य मुलुकहरुमा भुटानले ६४, श्रीलंकाले ४०, भारतले ३६, र पाकिस्तानले २७ अंक प्राप्त गरेका छन।
डेनमार्क, फिनल्याण्ड, नयुजिल्याण्ड कूल एक एक सयमध्ये ९० अंक प्राप्त गरी विश्वमा सबैभन्दा कम भ्रष्टाचार हुने मुलुकहरु साबित भएका छन्। अफगानिस्तान, उत्तर कोरिया र सोमालिया जम्मा ८ अंक प्राप्त गरी विश्वमा सबैभन्दा बढी भ्रष्टाचार हुने मुलकका रुपमा देखिएका छन।
तस्बिर सौजन्य: हिमालय टाइम्स
तस्बिर सौजन्य: हिमालय टाइम्स
No comments:
Post a Comment