भारतको राजधानीको नगर बसमै सामूहिक बलात्कारको शिकार भएकी 'छात्रा'को मृत्यु: सुरक्षा व्यवस्था कडा, विभिन्न स्थानमा प्रहरी तैनाथ

भारतको राजधानी नयाँ दिल्लीमा नगर बसमै सामूहिक बलात्कार गरिएकी तेइस वर्षीया छात्राको मृत्यु भएपछि नगरका विभिन्न स्थानमा प्रहरी तैनाथ गरिनुका साथै शान्त रहन सबैलाई आव्हान गरिएको छ। 

दिल्लीको शेफर्जंग अस्पतालमा तीनवटा शल्यक्रिया गरिएपछि उनलाई विशेष उपचारका लागि गत बिहिबार सिंगापुर लगिएकोमा शनिबार उनको मृत्यु भएको घोषणा माउन्ट एलिजाबेथ अस्पतालका कार्यकारी प्रमुख केल्भिन लोले गर्नुभएको थियो। 

उनी को हुन् भन्ने कुरा थाहा हुन नसकेको भनिएकी 'तेइस वर्षीया विद्यार्थी'को शव आज भारतको राजधानी पुर्याइदै छ। 

उनको मृत्युको खबर पाएको भारतीय प्रहरीले मध्ये दिल्लीको अधिकांश भाग बन्द गर्नुका साथै भूमिगत रेल-मार्गका कतिपय बिसौनीहरु बन्द गरेको छ, र मानिसहरुलाई नगरमा घुम्न ननिस्कन आग्रह गरेको छ। नागका मध्ये भागमा पाँचजनाभन्दा बढी मानिस भेला हुन प्रतिबन्ध लगाइएको छ। तस्विर सौजन्य: बिबिसी