नासाका गुरुत्वाकर्षण मापन गर्न पठाइएका एब र फ्लो नामका दुइवटा भू-उपग्रह चन्द्रमामा ध्वस्त

अमेरिकी अन्तरिक्ष संस्था- नासाका चन्द्रमाको गुरुत्वाकर्षण मापन गर्न पठाइएका एब र फ्लो नामका दुइवटा भू-उपग्रहले चन्द्रमामै आफ्नो इहलीला समाप्त परेकाछन। 

ती दुइवटा भू-उपग्रहलाई चन्द्रमाको सुदूर-उत्तरमा पर्ने दुइ किलोमिटर अग्लो डाँडामा जोडले ठोक्किन आदेश दिइएको थियो। 

त्यसरी जानीजानी खसाल्दा अनियन्त्रित भै अपोलोले अवतरण गरेको ठाउँजस्ता ऐतिहासिक ठाउँमा खस्ने सम्भावना नरहने कुरा वैज्ञानिकहरुले जनाएका छन्।

 नासाको भित्रि-अन्तरिक्ष रेडियो सङ्केत अनुगमन पद्धतिले ग्रीन-वीच समयअनुसार बेलुकि साढे दस बज्नुभन्दा ठीक अघि रेडियो सङ्केत हराएको पुष्टि गरेको थियो। 

ती दुइवटा भू-उपग्रहलाई ठोक्काइएको ठाउँलाई अमेरिकाकी प्रथम महिला अन्तरिक्ष यात्री स्याली राइड नाम दिइएको घोषणा गरियो।  तस्विर सौजन्य: बिबिसी