यात्रुबाहक बस धादिङको बाङ्गेमा दुर्घटनाग्रस्त- चारजनाको मृत्यु, बाह्रजना गम्भीर घाइते

वीरगञ्जबाट काठमाडौंतिर आउँदैगरेको ना ४ ख ६११७ नम्बरको यात्रुबाहक बस आज विहान धादिङको बाङ्गेमा दुर्घटनाग्रस्त हुँदा चारजनाको मृत्यु भएको छ। 

सो दुर्घटनामा परी घटनास्थलमै मारिनेमा भारतको बैसाली निबासी तीस वर्षीया प्रमिला देवी, भारतीय नागरिक तीस वर्षीय मुखिया ठाकुर र बस चालक राजु रहेका छन भने जाएर नामका एक व्यक्तिको उपचारका क्रममा काठमाडैको शिब ज्योति अस्पतालमा मृत्यु भएको प्रहरीले जनाएको छ। 

अगाडिको बाहनलाई उछिन्नखोज्दा बस अनियन्त्रित भै त्रिसुली नदीमा खस्दा भएको सो दुर्घटनामा घाइतेमध्ये गम्भीर अवस्थाका १२ जनाको राजधानीमा र बाँकी अठारजनाको गजुरीस्थित सामुदायिक अस्पतालमा उपचार भइरहेको छ। तस्विर सौजन्य: इकान्तिपुर