बीस फिटको मोटर बाटो बनाउछन, दुइ फिटको पैदल मार्ग बनाउदैनन्। दायाँ-बाँया भएको पैदल यात्री हिड्ने बाटो मिचेर मोटरवालाहरुलाई दिन्छन। मोटर नहुने बिचरा पैदल यात्री कहाँबाट हिड्ने? एक-दुइ फिट बाँकी रहेको पेटीमा पनि पसलेहरुले सामान पस्केका हुन्छन, अनि पैदल यात्रीहरुलाई ज्यानको बाजी लगाएर भए पनि मोटर-मार्गबाट हिड्नुको विकल्प छैन। राजधानीको हालत यस्तो छ।न बाटो, न व्यवस्था; न विजुली, न पानी; यो कस्तो राजधानी!
यस्तो अव्यवस्थाको नमूना बनेको राजधानीको मियो- पुरानो वसपार्कमा अब काठमाडौ महानगरपालिकाले एक्काइस तल्ले 'काठमाडौ दृश्यावलोकन बुर्जा' निर्माण गर्ने रे।
अन्तराष्ट्रिय मापदण्ड अनुसार निर्माण हुनलागेको भनिएको त्यस 'काठमाडौ दृश्यावलोकन बुर्जा'लाई कतै अलि टाढा लगिदिएकोभए त्यस ठाउँको विकास हुन्थ्यो, बस्ती त्यता सर्थ्यो, मानिसहरु त्यता जानेगर्थे, यहाँको चाप घट्थ्यो, प्रदूषण कम हुन्थ्यो।
तर असल नीति निर्मताहरुको कमी भएको देशमा यस्तै हुन्छ। ती बिचरा बसहरुलाई कोच्चिने व्यवस्था कता गरिदिएको छ, कुन्नि? मान्छे त भुसुना भैहाले!
तर असल नीति निर्मताहरुको कमी भएको देशमा यस्तै हुन्छ। ती बिचरा बसहरुलाई कोच्चिने व्यवस्था कता गरिदिएको छ, कुन्नि? मान्छे त भुसुना भैहाले!
No comments:
Post a Comment