काठमाडौं, आश्विन २६ - नेपाल र यूएईबीचको रोमान्चक फाइनल खेल बराबरीमा सकिएपछि एसीसी ट्रफी एलिट क्रिकेटको उपाधि दुवै टिमले जितेका छन् ।
नेपालले एक महिनाको अन्तरालमा दोस्रो ठूलो अन्तर्राष्ट्रिय ट्रफि जितेको छ । नेपालले यहि नोभेम्बरमा मलेसियामा आईसीसी वल्र्ड क्रिकेट लिग डिभिजन ४ को उपाधि जितेको थियो ।
सारजहा क्रिकेट मैदानमा २ सय ४२ रनको लक्ष्य पछ्याएको नेपाललाई अन्तिम ओभरमा जितका लागि १२ रन आवश्यक थियो । यूएईका बलर सिल्भाले उत्कृष्ट बलिङ गरेपछि नेपालले पहिलो तीन बलमा मात्र २ रन जोड्यो । त्यसपछि अनुभवी ब्याट्सम्यान शक्ति गौचनले एक छक्का र दुई रन दिएपछि नेपाललाई अन्तिम बलमा दुई रनको आवश्यक थियो । नेपालले एक रन पूरा गर्दै ९ विकेटको क्षतिमा ४ सय ४१ रन बनायो । दोस्रो रन लिने क्रममा शक्ति गौचन १४ रनमा रनआउट भए ।
नेपालका लागि शरद भेषावकरले नटआउट ३६ रन बनाए ।
प्रारम्भिक ब्याट्सम्यानद्वय सुवास खकुरेलले ५५ र अनिल मण्डलले ४४ रन जोडे । ज्ञानेन्द्र मल्लले ३२ र कप्तान पारस खड्काले ३१ रन बनाए । यसअघि पहिले ब्याटिङ गरेको घरेलु टिमले ६ विकेटको क्षतिमा २ सय ४१ रन बनायो । उसका सकिब अलिले नटआउट १ सय १ को सान्दार इनिङ्स खेले ।
नेपाल तेस्रो पटक एसीसी ट्रफी एलिट क्रिकेटको फाइनलमा पुगे पनि उपाधि जितेको थिएन । युएईले चार पटक ट्रफी उचालिसकेको छ ।
सन् २००२ मा सिंगापुरमा भएको संस्करणमा पहिलोपटक फाइनल पुगेको नेपाल युएईसँग ६ विकेटले पराजित भएको थियो ।
नेपाली कप्तान पारस खड्का प्लेयर अफ दी सिरिज भए ।
नेपाली कप्तान पारस खड्का प्लेयर अफ दी सिरिज भए ।
