भारतको राजधानी दिल्ली- कुनै बेला भारतीय संचार माध्यमहरु फुक्थे- 'न बिजुली, न पानि, यो कस्तो राजधानी' भनेर। भारतको त्यही राजधानी अहिले बलात्कार, हत्या र अपहरणको पर्याय बनेको छ। शायद यस्तै कुकर्म र पापमा त्यहाँका मानिसहरु लिप्त भएकाले होला, त्यहाँ दिउँसो तीन बजेनै अन्धकार हुन्छ, कहिलेकाहीं। प्रकृतिलाई पनि त्यो अत्याचार मन परेको छैन।
पछिल्लो लाजमर्दो घटनाको प्रत्यक्षदर्शी बन्नुपरयो भारतको राजधानीले जति बेला आइतबार बेलुकि संसाँझै त्यो पनि सरकारी नगर बसमा एउटी 23 वर्षीय केटीको पुरुष साथीलाई मरणासन्न पारेर कुटियो, केटीलाई सामूहिक बलात्कार गरियो, र दुबैलाई बसबाट बाहिर फ्याँकियो। मानौं, यी महाभारतमा बर्णन गरिएका कौरबका सन्तान हुन। ती दुबैजनालाई अस्पताल भर्ना गरिएको छ, र बलात्कृत युवतीको अवस्था गम्भीर छ भनिन्छ। तुलनात्मक रुपमा बढी सुरक्षित हुनुपर्ने राजधानी जस्तो ठाउँमा भारतका अन्य शहरको तुलनामा बढी बलात्कारका घटनाहरु भैरहेका बताइन्छ। किन विश्वको सबैभन्दा ठूलो प्रजातन्त्रमा मानिसहरु, खासगरी महिलाहरु यति धेरै असुरक्षित छन्? दिल्लीकी मुख्य मन्त्री (महिला) शान्ति सुरक्षाप्रति किन यति धेरै उदासिन हुनुहुन्छ?
मन्त्री उदासिन भए पनि, यस घटनाले भारतीय सर्बसाधारणलाई भने मर्माहत बनाएको छ, चिढ्याएको छ। भारतको 'बलात्कार राजधानी'का रुपमा पहिलेइ कुख्यात दिल्लीको दुर्नामलाई आइतबारको घटनाले अझै तल झारेको कुरा टाइम्स अफ इन्डियाले उल्लेख गरेको छ। अर्को समाचारपत्र मेल टुडेले 'बर्बरताले नगरको बदनाम गराएको छ' शिर्षकमा समाचार प्रकाशित गरेको छ जसमा आइतबार राति आतंकले फेरि राजधानी दिल्लीका गल्लीहरुको चक्कर लगाएको छ भनिएको छ। दिल्लीमा फेरि लज्जास्पद घटनाले रात्रिमा यात्रा गर्नुपर्ने युवती र महिलाको सुरक्षाको विषादपूर्ण निन्याउरो अवस्थामाथि फेरि ध्यान केन्द्रित गरेको कुरा द पाइओनियरले उल्लेख गरेको छ।
दिल्लीका मुख्य मन्त्री शीला दिक्षितले घटना सारै मर्माहतपूर्ण भएको भन्दै पिडितलाई छिटो न्याय दिलाउनका लागि तिब्र-न्याय-अदालत गठन गर्ने बारे सोचिने बताउनुभएको द हिन्दुले उल्लेख गरेको छ। त्यस्तो अदालतले जस्तोसुकै न्याय दिलाए पनि पिडितको मानसिक अवस्था पहिलेको स्थितिमा कदापि फर्कनसक्दैन, त्यस घटनाले उसको जीवनभरि उसलाई डसिरहन्छ, जसले उसको कार्य सम्पादनमा नकारात्मक असर पारिरहन्छ। त्यसैले न्याय दिलाउनु भन्दा न्याय दिलाउनै नपर्ने अवस्था सिर्जना गर्नु बुद्धिमानी! तस्विर सौजन्य: बिबिसी
'अफ्नोजस्तो अर्को हुँदैन, काम्लोजस्तो बर्को हुँदैन।' नेपाली माटोले तपाइलाई मायाँ गर्थ्यो, कतिपय 
