मल्ल राजा प्रताप मल्लले पुत्र-शोकले विह्वल भएकी आफ्नी रानीलाई सान्त्वना दिनका लागि यस्तो दुखद अवस्थाको सामना सबैले गर्नुपर्छ भन्ने देखाउन (यस वर्ष) मानिस मरेका घर-घरबाट गाईजात्रा निकाल्ने व्यवस्था मिलाई राज-दरबारको प्राङ्गणमा जम्मा गराएर रानीलाई देखाए।
त्यतिले पनि रानीको मन शान्त हुन नसक्दा शोक-हरणका लागि भनेर हँसाउने कार्यक्रमको आयोजनाका लागि राजाज्ञ जारी गरे। र त्यस बेलादेखि गाईजात्रा मनाउने चलन चलेको विश्वास गरिन्छ।
यही परम्पराबाट शुरु भएको गाईजात्रा पर्वमा हिजो-आज सामाजिक कुरीति एवम प्रशासनिक कमजोरीलाई लक्षित गरी व्यंग्यात्मक शैलीमा संस्था, व्यक्ति र सरकारको आलोचना गर्ने हास्यव्यङ्ग्यात्मक कार्यक्रमको आयोजना गर्ने परम्पराको विकास भएको छ।
फाेटाे सौजन्य: गुगल
