नेपाल सरकारद्वारा राष्ट्रपति रामबरण यादवको कदम असंवैधानिक भएको ठहर

नेपाल सरकारले राष्ट्रपति रामबरण यादवको सात दिनभित्र सहमतीय सरकार गठन गर्न भनी राजनीतिक दलहरुलाई गरिएको आह्वान असंवैधानिक भएको ठहर गरेको छ। 

प्रधानमन्त्री कार्यालय सिंहदरबारमा आज बसेको मन्त्रिपरिषद्को बैठकले राष्ट्रपतिको कदम 'अन्तरिम संविधानको मर्म र भावना विपरित भएको भन्दै राष्ट्रपतिको त्यस आह्वानलाई अस्वीकार गरेको छ। 

बैठकपछि पत्रकारहरु माझ बोल्दै सञ्चारमन्त्री राजकिशोर यादवले 'राष्ट्रपतिज्यूले सरकारका विषयमा विगतमा र अहिले चाल्नु भएको कदम दुवै संविधानको भावना विपरीत' भएको कुरा बताउनुभयो। 

वर्तमान सरकार व्यवस्थापिका संसदबाट चयन भएको र त्यसैको निरन्तरता भएकाले राष्ट्रपतिले स्वतः पदमुक्ति भन्नु र नयाँ प्रधानमन्त्रीका लागि  आह्वान गर्नु दुवै संविधानसम्मत नभएको मन्त्री यादवले बताउनुभयो। 'राष्ट्रपतिलाई कुनै कार्यकारी अधिकार छैन,' 'राष्ट्रपतिले मन्त्रिपरिषद्को सिफारिसमा मात्र कुनै निर्णय गर्न पाउँछन्', उहाँले भन्नुभयो।

सत्तारुढ संघीय प्रजातान्त्रिक गणतन्त्रात्मक गठबन्धनले हिजै आलंकारिक राष्ट्रपतिले सरकार गठन गर्नका लागि पार्टीहरुलाई समय-सीमा तोक्न नसक्ने भन्दै आफ्नो असंवैधानिक कदम सच्याउन राष्ट्रपतिलाई आग्रह गरेको थियो।

नेकपा माओबादीले राष्ट्रपतिको कदमको ध्यय उदांग्याइछाड़ने: मन्त्री पुन

अर्थमन्त्री बर्षमान पुनले सात दिनभित्र सहमतीय सरकार गठन गर्न पार्टीहरुलाई आह्वान गर्ने राष्ट्रपति रामबरण यादवको कदम असंवैधानिक भएको कुरा बताउनुभएको छ। द्वारा मध्यपुर-थिमीमा आज आयोजित कार्यक्रममा बोल्दै मन्त्री पुनले प्रधानमन्त्रीको सल्लाह र सम्मतिमा काम गर्नुपर्ने राष्ट्रपतिले प्रधानमन्त्री र मत्रिपरिशदलाई छलेर यस्तो कदम चाल्नुको कारण एकिकृत  नेकपा माओवादीले पत्ता लगाइछाड्ने कुरा बताउनुभयो।

राष्ट्रपति झन् झन् तानाशाह बन्दैगएको र उहाँमा सत्ताच्युत गराइएका ज्ञानेन्द्र शाहको जस्तो महत्वाकांक्षा  देखापर्नथालेको आरोप लगाउदै अर्थमन्त्री पुनले राष्ट्रपतिको यस कदमबाट प्रतिपक्षी नेपाली कांग्रेस र नेकपा एमालेलाई फाइदा लुट्न एकिकृत नेकपा माओवादीले नदिने प्रतिबद्धता व्यक्त गर्नुभयो।  

एमाले उपाध्यक्ष बामदेव गौतमलाई मात्री शोक

नेकपा एमालेका उपाध्यक्ष बामदेव गौतमलाई मात्री शोक परेको छ। गौतमकी आमा पदमा देवीको हिजो साँझ भैसेपाटी स्थित आफ्नै निवासमा देहावशान भएको हो। उहाँ बयासी वर्षका हुनुनुन्थ्यो।

एमालेका उपाध्यक्ष बामदेव गौतमलाई मात्री शोक 

मन्त्रिपरिषदको विशेष बैठक सिंहदरबारमा जारी

राष्ट्रपति रामवरण यादवले राजनीतिक सहमतीय सरकारका लागि ७ दिनभित्र प्रधानमन्त्रीको नाम सिफारिस गर्न गरेको आह्वानका विषयमा छलफल गर्न मन्त्रिपरिषद्को विशेष बैठक जारी छ । बैठकले राष्ट्रपतिको कदमबारे सरकारको औपचारिक धारणा सार्वजनिक गर्ने बताइएको छ । 

यसैबीच, सहमतीय सरकार निर्माणका लागि राष्ट्रपतिले गरेको आह्‌वानलाई सकारात्मक भन्दै विपक्षी गठबन्धनले राष्ट्रपतिले चालेको कदम संविधानसम्मत भएको दावी गरेको छ । गठबन्धनले  उक्त कदमको स्वागत गर्दै मसिंर १५ र १६ गतेका लागि तय गरिएको आन्दोलनका कार्यक्रम स्थगित समेत गरेको छ ।

तथापि, सात सात महिनासम्म आफ्नो भागमा परेको प्रधामन्त्रीको उम्मेदबारको नाम समेत सिफारिस गर्न नसक्ने पार्टीहरुले सात दिनभित्र सहमतीय सरकारका लागि उपयुक्त व्यक्तिको चयन गर्नसक्लान भन्ने कुरामा राजनीतिक बिश्लेशकहरुले भने शंका व्यक्त गर्नुभएको छ। 

तिब्बती मुलका मानिसहरुले आत्म-दाह गरेको सम्बन्धमा दलाइको टिप्पणी- चीनद्वारा आलोचना

तिब्बती मुलका मानिसहरुले आत्म-दाह गरेको सम्बन्धमा हाल भारतको प्रवासमा रहेका दलाइ लामाद्वारा गरिएको टिप्पणीको चीनले आलोचना गरेको छ। जापानमा बोल्दै दलाइ लामाले तिब्बतीहरुको विरोधप्रति गम्भिरतापुर्बक ध्यान दिनुको साटो चीनले बरु आफूमाथि दोष थुपार्ने काम गरिरहेको आरोप लगाएको बताइएको छ ।  

यस सम्बन्धमा प्रतिक्रिया व्यक्त गर्दै चिनियाँ विदेश मन्त्रालयले दलाइ लामाले आत्म-दहलाई आफ्नो प्रचारको माध्यम बनाएको आरोप लगाएको छ। सन् दुइ हजार एघारदेखि हालसम्म करिब सत्तरीजना तिब्बतीहरुले आत्म-दाह गरिसकेका छन, जसलाई दलाइ समर्थक कार्यकर्ताहरु बेइजिंगको शाशन विरोधी प्रदर्शनका रूपमा व्याख्या गर्न रुचाउँछन। 

त्यस्ता आत्म-दाहजस्ता क्रियाकलापको विरोध गर्नुको साटो दलाइ लामाले उल्टै राष्ट्रिय कानून र धार्मिक सिद्धान्त विपरित त्यस्ता कदमको प्रसंसा गरेको भन्दै चिनियाँ विदेश मन्त्रालयका प्रवक्ताले दलाइको आलोचना गरेका छन। 

भेनेजुएलाको सुरक्षा सेनाद्वारा पाँच लाख पचास हजार अमेरिकी डलर बरामद

भेनेजुएलाको सुरक्षा सेनाले कोलम्बियाको सिमाना नजिकै मेटा नदीको किनारमा गाडिराखिएको अवस्थामा रहेको पाँच लाख पचास हजार अमेरिकी डलर फेला परेको छ। प्लास्टिकमा बेरेर सुरक्षित तरिकाले राखिएको सो रकम सँगै एक किलो लागू औषध कोकिन पनि पाइएको जानकारी भेनेजुएलाको गृह मन्त्रालयका प्रवक्ता जोर्गे गालिँडोले दिनुभएको छ। 

लागू औषध विरोधी कार्यमा संलग्न अधिकारीहरुले त्यो पैसा अन्तर्राष्ट्रिय लागू औषध ओसार-पसार समूहको भएको बताएका छन। त्यस्ता समूहहरुले यसैगरी कोलम्बियाबाट मध्ये अमेरिकातिर लागू औषध ओसार-पसार गर्नमा प्रयोग गरिने आफ्ना शिबिर वरपर इन्धन, र साना हवाई जहाज समेत राख्नेगरेको जानकारी पनि ति अधिकारीहरुले दिएका छन।  

पछिल्ला केही महिनामा भेनेजुएलाले कयौं उच्चस्तरीय कोलाम्बियाली लागू औषध ओसार-पसारकर्ताहरुलाई गिरफ्तार गरेर कोलम्बिया फिर्ता पठाएको बताइएको छ।  

सन् दुइ हजार तीनमा कोलम्बियाली सेनाले कोलम्बियाको जङ्गलमा लुकाइराखेको करिब दुइ करोड पाउण्ड बराबरको पैसा र लागू औषध फेला परेको बिबिसीले जनाएको छ।  

तस्विर साभार: बिबिसी डट कम