'हिमालय-कराकोरम-तिब्बत' अन्तर्राष्ट्रिय कार्यशाला गोष्ठी काठमाडौँमा शुरु

राष्ट्रपति रामबरण यादवले 'हिमालय-कराकोरम-तिब्बत' कार्यशाला गोष्ठीको आज काठमाडौँमा उद्घाटन गर्नुभयो। नेपाल भौगर्भिग समाज र खानी तथा भूगर्भ विभागको संयुक्त तत्वावधानमा आयोजित सो अन्तर्राष्ट्रिय कार्यशाला गोष्ठीमा नेपाल, भारत, चीन, अमेरिका, बेलायत, जापान, बंगलादेश, रुसलगायत विश्वका उन्नाइसवटा मुलुकका करिब दुइ सय साठीजना भूगर्भविदहरु सहभागी हुनुहुन्छ।

उद्घाटन समारोहलाई संवोधन गर्दै राष्ट्रपति रामबरण यादवले मौसम परिवर्तनका कारण हिमालय क्षेत्रमा परेको असरलाई न्युन गर्नका लागि नेपालमा अहिले दिर्घकालिन योजनाको ठूलो आबश्यकता परेको कुरा बताउनुभयो।

भौगर्भिक समाजका अध्यक्ष उत्तमवोल श्रेष्ठले सम्मेनलमा नेपालका ४० सहित १ सय ५० वटा कार्य-पत्र प्रस्तुत गरिने कार्यक्रम रहेको जानकारी दिनुभयो। सम्मेलनको अघिल्लो दिन मंगलबार विदेशबाट आएका भूवैज्ञानिकहरुले काठमाडौं उपत्यकाको अध्ययन भ्रमण गरेको बताइएको छ।

सम्मेलनका संयोजक दिब्यरत्न कंशाकारले सम्मेलन सकिएपछि नेपाली तथा विदेशी भूवैज्ञानिकहरुका तीन टोलीले नेपालका केही भागको अध्ययन भ्रमण समेत गर्ने कार्यक्रम रहेको जानकारी दिनुभयो। नेपालमा आयोजना भएको यो सत्ताइसौं भौगर्भिक सम्मेलन हो ।
तस्विर सौजन्य: इकान्तिपुर 

वर्गीय र जातीय हिसावले पनि पार्टी महासचिव थापा प्रधानमन्त्रीका उपयुक्त उम्मेदवार: वैद्य

नेकपा माओवादीका अध्यक्ष मोहन वैद्यले प्रधानमन्त्री कसलाई बनाउने भन्ने विषयमा सहमति हुनुअघि संविधानका अन्तर्वस्तुमा सहमति हुनु  आवश्यक रहेको कुरामा जोड दिनुभएको छ । पार्टी मुख्यालयमा संचारकर्मिहरुसङ्ग कुराकानी गर्दै अध्यक्ष मोहन वैद्यले विगत पाँच वर्षदेखिको हाम्रो मुख्य मुद्दा जनमुखी संविधान हो, त्यसैले संविधानका विषयमा सहमत नभइकन सत्तामा जानुको कुनै अर्थ हुँदैन भन्नुभयो। 

अध्यक्ष मोहन वैद्यले आफ्नो पार्टीका महासचिव रामबहादुर थापालाई प्रधानमन्त्री बनाउँदा वर्गीय र जातीय हिसावले पनि राम्रो हुने भन्दै यस विषयमा एमाओवादी अध्यक्ष पुष्पकमल दाहाल सकारात्मक रहेको दाबी गर्नुभयो। थापा प्रधानमन्त्रीका लागि उपयुक्त उम्मेदवार भएको जिकिर पनि उहाँले गर्नुभयो। 

अबको प्रधानमन्त्रीको उम्मेदवारका रुपमा 'हामीले बादललाई अघि सारेका छौं', अध्यक्ष मोहन वैद्यले भन्नुभयो, 'बादलको विषयमा प्रचण्डजी सकारात्मक हुनुहुन्छ, बाबुरामजीले पनि बादलजीको नाममा सकारात्मक छु भन्नुभएको छ।'  माओवादी बैठकले थापालाई यसअघि नै प्रधानमन्त्रीको उम्मेदवार घोषणा गरेको थियो ।

यस सम्बन्धमा आफ्नो दलले अर्को कुनै पनि विकल्पका बारेमा नसोचेको बताउदै  अध्यक्ष मोहन वैद्यले कांग्रेस सभापति सुशील कोइरालाको नाममा पनि आफ्नो पार्टीले धारणा नबनाएको बताउनुभयो।

धिक्कार छ, हामी नेपाली जनतालाई!

गलत र सही कुरा छुट्टयाउन नसक्ने राजनीतिज्ञहरुले कसरी देशको व्यवस्था संचालन गर्ने? यस्तो लाग्छ, हाम्रो देशका यी तथाकथित राजनीतिज्ञहरु जसरी भए पनि सत्तामा पुगेर ब्रह्मलूट मचाउने लक्ष लिएर नै राजनीतिमा प्रवेश गरेका हुन्। यो यसकारण कि यिनमा राजनीति के हो? राजनीतिज्ञले के गर्नुपर्छ? राजनीतिज्ञको वास्तविक उद्धेश्य के हुनुपर्छ? भन्ने कुरा थाहै छैन। यिनीहरुलाई थाहा भएको एउटा मात्र कुरा हो: बहुदलवादी भए पनि अर्को दलको अस्तित्वलाई स्वीकार नै नगर्ने। मेरो दल मात्र ठीक, मेरो सिद्धान्त मात्र सही छ भन्ने, अरु सबै गलत, अरु सबै सत्ता मात्र कब्जा गर्ने मनसाय राख्दछन भन्ने प्रचार गर्ने, यसैगरी आफू मात्र पानी माथिको ओभानो बन्ने। अनि जुँगाको लडाई लड्ने। देश जतासुकै जावस, यिनीहरुलाई मतलव छैन।

यिनीहरुको सिद्धान्त हो: मै खाउँ, मै लाउँ, सुख सयल वा मोज मा गरूँ। जनताले दिएको दुइ वर्षमा संविधान बनाउने कार्यभार यिनीहरुले पूरा गर्न चाहेनन, पटक पटक गरेर आफै, आफ्ना मतदातासँग नसोधिकनै, अरु दुइ वर्ष बढाएर नेपाली जनताको रगत पसिना। अझ पनि यिनीहरुलाई नेपाल र नेपाली जनताको चिन्ता छैन, चिन्ता छ त खाली सत्ताको। होइन भने सात दिनमा एउटा मात्र बैठक गर्नसक्नेले राष्ट्रपतिसङ्ग अरु थप समय माग्ने निर्णय गर्नुको साटो आफ्ना सबै नाक लिएर टुकुचामा चोप्न जानुपर्थ्यो यिनीहरुले।

सत्ताकै खेलमा लागेर यिनले संविधान सभा भङ्ग भएको सात महिनासम्म एउटा प्रधानमन्त्रीको उम्मेदबारसम्म उभ्याउन सकेनन। आफ्नो हालत यस्तो छ, बरु उल्टै भन्छन, कामचलाउ राजिनामा दे। कामचलाउले राजिनामा दियो भने देशमा सत्तारिक्तताको स्थिति आउँछ, अनि भाडभैलो मच्चाएर कि पहिलेको राजसत्तालाई ब्युँताउने, कि परायालाई सुन्पिदिने? हामीले सकेनौ भनेर। यस्ता नालायकहरुलाई यिनीहरुको राजनीतिक जीवन शुरु भएकै भूमितिर लखेट्न नसक्ने हामी नेपाली जनतालाई धिक्कार छ!