इजिप्टमा बस दुर्घटना- सतचालिस बाल-बालिकाको मृत्यु

इजिप्टको मद्य भागमा पर्ने मन्फालुत नजिकै भएको बस दुर्घटनामा परी कम्तिमा सत्चालिसजना बाल-बालिका मारिनुका साथै तेरजना घाइते भएका छन। विद्यालयको नर्सरी कक्षामा पढ्ने करिब साठीजना बाल-बालिका लिएर गैरहेको बसलाई राजधानी काएरोदेखि तीन सय पचास किलोमिटर दक्षिणमा रेलले ठक्कर दिएको थियो। 

यसै घटना[प्रति जिम्मेवारी स्वीकार गर्दै इजिप्टका यातायात मन्त्रीले राजिनामा दिनुभएको जानकारी इजिप्टका सरकारी संचार माध्यमहरुले दिएका छन्। 

प्रत्यक्षदर्शीहरुले जनायअनुसार, बाल-बालिकाहरु लिएर गैरहेको सो बस रेलको लिग क्षेत्रमा प्रवेश गर्दा रेल आउंदा बन्द गरिनुपर्ने द्वार बन्द गरिएको थिएन।

इजिप्टका राष्ट्रपति मोहम्मद मुर्सिले शोकसन्तप्त परिवारजनहरुलाई आवश्यक सहयोग गर्न सम्बन्धित मन्त्रालयहरुलाई निर्देशन दिनुभएको जानकारी सरकारी संचार माध्यमहरुले दिएका छन। 

आफ्नो सुरक्षा गर्नपाउने इजरेलको अधिकारको अमेरिकाद्वारा समर्थन

इजरेलले गत बुधबार गाजा क्षेत्रमाथि आक्रमण शुरु गरेदेखि अटठाइसजना प्यालेस्टिनी र तीनजना इजरेली नागरिक मारिइसकेका छन।  मारिएकामध्य कम्तिमा सातजना बालबालिका पनि रहेको प्यालेस्टिनी अधिकारीहरुले जनाएका छन्। 

हमासका सैनिक नेता अहमद जाब्री बुधबारकै आक्रमणमा मारिएको र अर्का वरिष्ट कमान्डर शुक्रबार मारिएको जानकारी हमासले दिएको छ।  इजरेली अधिकारीले जनाएअनुसार, गाजाबाट बिहिबार प्रहार गरिएको रकेट आक्रमणमा परी किर्यत मलाची शहरमा दुइ महिला र एक पुरुषको मृत्यु भएको छ।  शुक्रबार मात्रै गाजा क्षेत्रबाट प्रहार गरिएका 97 वटा रकेटले इजरेलका विभिन्न ठाउँमा क्षति पुगेको जानकारी इजरेली सुरक्षा सेनाले दिएको छ।

यसैबीच, अमेरिकी राष्ट्रपति बाराक ओबामाले इजरेली प्रधानमन्त्री बेन्यामिन नेतन्याहुलाई फोन गरी आफ्नो सुरक्षा गर्नपाउने इजरेलको अधिकारको अमेरिकाले समर्थन गर्ने कुरा दोहर्याउनुभएको छ। 

मेरो विचार: आफ्नो सुरक्षा गर्नपाउने इजरेलको अधिकार हो भने, शान्तिपूर्ण वातावरणमा जिउन पाउने प्यालेष्टिनी सर्वसाधारणको अधिकार होइन र! इजरेलसङ्ग शक्ति छ, क्षमता छ, गाजामाथि उसको अघोषित नियन्त्रण छ, उसले घर-घरमा घुसेर अपराधी आतंककारीलाई घरबाट बाहिर निकालेर कारबाही गर्नुपर्छ, तर दुइ-चारजना आतंककारीका कारण आम जनतालाई पिडित हुनदिनु हुदैन, शायद।