संविधानको परिधिभित्र रहेर मात्र आफ्नो कर्तब्य र अधिकारको उपयोग गर्न राष्ट्रपति डा रामबरण यादवलाई आग्रह

प्रधानमन्त्री डा बाबुराम भट्टराईले संविधानको परिधिभित्र रहेर मात्र आफ्नो कर्तब्य र अधिकारको उपयोग गर्न राष्ट्रपति डा रामबरण यादवलाई आग्रह गर्नुभएको छ। 

सहमतिको सरकार गठनका लागि राष्ट्रपतिले राजनीतिक दलहरुलाई सात दिनको समयावधि दिनुभएपछि बसेको मन्त्रिपरिषदको बैठकले राष्ट्रपतिको कदम असंवैधानिक भएको भन्दै त्यसलाई अस्वीकार गरेपछि आइतबार राति शितल निवासमा राष्ट्रपतिलाई भेटी प्रधानमन्त्री भट्टराईले सो आग्रह गर्नुभएको हो। 

भेटका अवसरमा प्रधामन्त्री भट्टाराईले मन्त्रिपरिषद्को बैठकको निर्णयबारे राष्ट्रपतिलाई जानकारी दिदै सरकारको विरोध-पत्र राष्ट्रपतिलाई हस्तान्तरण गर्नुभयो जसमा राष्ट्रपतिको कदमलाई 'अन्तरिम संविधानको मर्म र भावना विपरितको कदम' भनिएको छ। 

प्रत्युत्तरमा राष्ट्रपति यादवले संविधानका प्राबधानहरुको प्रत्यक्ष उल्लङ्घन हुने काम आफूले नगर्ने वचन प्रधानमन्त्रीलाई  दिनुभयो। 

राष्ट्रपतिलाई मन्त्रिपरिषद्को त्यस पत्रमा अन्तरिम संविधानको धारा अठतीस उद्धृत गरिएको छ जसमा राज्यको कार्यकारिणी अधिकार मत्रीपरिषदमा निहित रहने कुरा स्पष्टसंग लेखिएको छ।   

प्रधानमन्त्री बाबुराम भट्टराईद्वारा नेपालको जनगणना प्रतिवेदन सार्बजनिक

प्रधानमन्त्री बाबुराम भट्टराईले आज सोमबार राष्ट्रिय योजना आयोगको सभाकक्ष सिंहदरवारमा आयोजित कार्यक्रममा जनगणना प्रतिवेदन २०६८ औपचारिकरुपमा सार्वजनिक गर्नुभयो। 

गत बर्ष गरिएको जनगणनाको प्रतिवेदनअनुसार, नेपालको जनसंख्या २ करोड ६४ लाख ९४ हजार ५ सय ४ पुगेको छ । 

प्रतिवेदनमा नेपालको जनसंख्या वृद्धि दर १ दशमल ३५ प्रतिशत पुगेको कुरा उल्लेख गरिएको छ । जनगणनाको यस प्रेतिबेदंले पनि पहिले झैँ नेपालमा महिलाको जनसंख्या बढी, अर्थात् एकाउन्न दसमलब पाँच प्रतिसत रहेको देखाएको छ । 

जनगणनाले यस अवधिमा नेपालको साक्षरता दर बढेर पैंसटठी दसमलब नौ प्रतिसत पुगेको देखाएको छ । सन् दुइ हजार एकमा नेपालको साक्षरता डर चवन्न दसमलब एक प्रतिसत थियो।

१०-१० वर्षमा जनगणना विवरण सार्वजनिक गर्ने परम्पराअनुसार राष्ट्रिय तथ्यांक विभागले गत बर्ष गरिएको जनगणनाका आधारमा तयार पारिएको यो  प्रतिवेदन आज  सार्वजनिक गरेको हो।

नेपालको जनसंख्या २ करोड ६४ लाख ९४ हजार ५ सय ४

नेपालको जनसंख्या हाल २ करोड ६४ लाख ९४ हजार ५ सय ४ पुगेको छ । १०-१० वर्षमा जनगणना विवरण सार्वजनिक गर्ने परम्पराअनुसार राष्ट्रिय तथ्यांक विभागले सोमबार सार्वजनिक गरेको राष्ट्रिय जनगणनासम्बन्धी प्रतिवेदनमा सो कुरा उल्लेख छ ।

प्रधानमन्त्री बाबुराम भट्टराईले आजै राष्ट्रिय योजना आयोगको सभाकक्ष सिंहदरवारमा राष्ट्रिय जनगणना २०६८ प्रतिवेदन औपचारिकरुपमा सार्वजनिक गर्नुहुने कार्यक्रम छ। प्रतिवेदनमा नेपालको जनसंख्या वृद्धि दर १ दशमल ३५ प्रतिशत पुगेको कुरा उल्लेख गरिएको छ । यस वर्षको जनगणनामा पनि पहिले झैँ महिलाको संख्या बढी छ । जनगणनाले यस अवधिमा नेपालको साक्षरता दर बढेर छैसटठी प्रतिसत पुगेको देखाएको छ । 

मेची उद्योग-वाणिज्य संघका अध्यक्ष विजय डालमियालाइ प्रहरीद्वारा गिरफ्तार

हाम्रो देशको अवस्था बिग्रनुमा राजनीतिक दलहरु प्रमुख कारण बनेका छन्। प्रहरी कारबाही गर्न चाहन्छ, अपराधीलाई। राजनीतिक दलहरु अबरोध खडा गर्छन। आज झापामा यस्तै भएको छ। 

मेचीनगर नगरपालिका वडा नं  १० बाहुनडाँगीमा सुपारी तस्करी रोक्न खटिएका प्रहरीलाई दुर्व्यवहार गरेको भन्दै डीएसपी गोविन्द थपलिया नेतृत्वको टोलीले मेची उद्योग-वाणिज्य संघका अध्यक्ष विजय डालमियालाई पक्राउ गरयो। डालमियालाई पक्राउ गरेको विरोधमा राजनीतिक दलहरुले काँकडभिट्टा बन्द गरे। यसको अर्थ के भयो? राजनीतिक दलहरु तस्करमा आफै संलग्न भएका छन्, या त तस्करहरुबाट कमिसन खाइरहेका छन्। त्यसैले  सुपारी तस्करी रोक्न खटिएको प्रहरीलाई दुर्व्यवहार गर्ने तस्कर वा तस्करीको मतियारलाई गिरफ्तार गरेको राजनीतिक दलहरुलाई मन परेन। अनि भन्सार नाका नै बन्द गरिदिए। 

यसबाट प्रष्ट हुन्छ, नेपालमा मूल्य वृद्धि, कृत्रिम अभाव, तस्करी, मुनाफाखोरिका पछाडि कसको हात छ भन्ने कुरा। तर, दुर्भाग्य, हाम्रो देशमा अहिले यिनीहरुकै बोलवाला छ। यिनीहरु नेपाली नागरिकलाई विभाजित गर्न सफल भएका छन, कसैलाई कांग्रेस, कसैलाई एमाले, कसैलाई माओवादी, कसैलाई मधेसवादी त कसैलाई केमा। यसरी सबै नेपाली राजनीतिक दलका भएका छन्, शुद्ध नेपाली त कोहि पनि छैनन। त्यसैले यस चोर राजनीतिका विरुद्ध आवाज उठाउने कोही छैन अहिले। तर यिनका कुदीन जरुर आउने छन्, जति बेला नेपाली जनताले आफूलाई चिन्नेछन।  

बेलायतमा बाढी: आठ सयभन्दा बढी घर प्रभावित

बेलायतको इंग्ल्यान्ड र वेल्सको केही भागमा आएको बाढीका कारण दुइजना मानिस मारिनुका साथै आठ सयभन्दा बढी घर जलमग्न भएको कुरा त्यहाँको वातावरण नियोगले जनाएको छ। भिषण वर्षा र  आँधिका कारण आएको बाढीले आठ सय घर प्रभावित भएको, तर डेभोन र कोर्नवल सबैभन्दा नराम्ररी प्रभावित भएको जानकारी सो नियोगले दिएको छ। 

मारिनेमध्ये एउटी महिला आँधीले ढालेको रुखले किचिएर मरेकी र अर्का एकजना पुरुषको गाडी उर्लेर बाढी आएको नदीमा खसेर बेपत्ता हुँदा मारिएको बताइएको छ। तर, क्यम्ब्रिज्शायेर प्रहरीले भने सत्तरी वर्षे ती बुढाको मृत्यु मौसमसङ्ग सम्बन्धित कारणले नभएको जनाएको छ। प्रहरी प्रवक्ताले त्यस प्रकारको घटना वर्षको कुनै पनि बेला हुनसक्ने बताएका छन।

यसैबीच, बेलायतका प्रधानमन्त्री डेविड क्यामरुनले ट्वीटरमा एक संदेश सार्बजनिक गरि प्रभावित क्षेत्रको सहयोगका लागि सबै काम गरिने बताउनुभएको बिबिसीले जनाएको छ।
तस्विर सौजन्य: बिबिसी 

चीनले आफ्नो पहिलो विमान वाहक युद्धपोतलाई राज्यका हित-रक्षाका लागि प्रयोग गर्ने

चीनले आफ्नै देशमा निर्मित युद्धक विमान जे-15लै पहिलो पटक युद्धपोतमाथि अवतरण गराएको जानकारी चिनियाँ रक्षा मन्त्रालयले दिएको छ। ल्याओनिंग नाम दिइएको चीनको पहिलो विमान वाहक युद्धपोतलाई गत सेप्टेम्बर महिनामा नै प्रयोगमा ल्याइएको थियो। 

त्यस विमान वाहक युद्धपोतलाई राज्यका हित-रक्षाका लागि अरु क्षमतावान बनाइने कुरा चिनियाँ रक्षा मन्त्रालयले जनाएको छ। 

यस विमान वाहक युद्धपोतले क्षत्रीय सीमा बिबादमा आफ्नो शक्ति प्रदर्शन गर्न चीनलाई सघाउने कुरा सुरक्षा विश्लेषकहरुले औंल्याएका छन। 

चीनले आफ्नै देशमा आफ्नै प्रविधिबाट निर्माण गरेको त्यस युद्धक विमानले युद्धपोत प्रतिरोधी, आकासबाट आकासमा प्रहार गर्नसक्ने र आकासबाट जमीनमा प्रहार गर्नसक्ने क्षेप्याश्त्रका साथै शुक्ष्म-निर्देशित बमहरु बाहन गर्नसक्ने क्षमता राख्दछ। 

तस्विर सौजन्य: बिबिसी