नेपाली कांग्रेसका कार्यवाहक सभापति कृष्ण प्रसाद भट्टराई प्रधानमन्त्री छँदा ब्यापारीहरुका गोदाममा सरकारले छापा मार्ने खबर अघिल्लै दिन प्रसार गराएर भोलिपल्ट कर्मचारी पठाएपछि हिस्स बुढी खिस्स=== भएको थियो। त्यसो भएको झन्डै बाइस वर्षसम्म पनि सरकारमा बस्नेहरुको बुद्धी पलाएको देखिएन। फेरि अग्रिमरुपमा समाचार सार्बजनिक गरियो- 'सरकारले सादा पोशाकका प्रहरी परिचालन गर्नेभएको छ' भनेर। विशेष गरी उपत्यकाका सवारी साधनमा यात्रीहरुको चाप हुने र पुरुष यात्रीले महिला यात्रीप्रति दुर्व्यबहार गरेको उजुरी बढेपछि प्रधानमन्त्री कार्यालयले यात्रुको भेषमा महिला प्रहरी खटाउन लागेको बताइएको छ। यसरी कहिलेसम्म पो सुधारको अवस्था कायम रहला र!
प्रधानमन्त्री कार्यालयकाअनुसार, यस सन्दर्भमा अन्तर-मन्त्रालय स्तरीय बैठकले 'सार्वजनिक यातायात आचार संहिता' बनाएको छ । खचाखच भरिएको बसमा महिला यात्रुलाई नियतबस धकेल्ने, हात चिप्लिए जस्तो गरेर छुने जस्ता क्रियाकलाप हुनेगरेका छन् । यस्ता क्रियाकलापलाई नियन्त्रण गर्नका लागि प्रहरी परिचालनको तयारी भएको कुरा महानगरीय प्रहरी आयुक्तको कार्यालयका एआइजी नवराज ढकालले बताउनुभएको छ। लैङगिक हिंसा अन्त्यका लागि शून्य सहनशीलता विषयक गोष्ठीमा बोल्दै उहाँले 'कुनै पनि दुर्व्यबहार रोक्न प्रहरी प्रतिवद्ध छ' भन्नुभयो।
प्रधानमन्त्री कार्यालयका जनसरोकार सचिव कृष्णहरि बाँस्कोटाले महिलाहरुलाई यस्ता दुर्व्यबहारबाट बचाउन आफू कडाईका साथ लाग्ने प्रतिबद्धता व्यक्त गर्नुभयो। दुव्र्यवहार गर्ने व्यक्तिलाई तुरुन्त पक्राउ गरी सार्वजानिक अपराध ऐनबमोजिम मुद्दा चलाइने कुरा सचिव बाँस्कोटाले बताउनुभयो।
सरकारले तयार गरेको आचार संहितामा उल्लेख भएअनुसार, सवारीका सहयोगी र चालक अनि सहयात्री पुरुषले समेत महिलासँग शिष्ट र सभ्य भाषामा कुरा गर्नुपर्नेछ।
आचार संहिताअनुसार, सवारी साधनभित्र बसेर धूमपान गर्न पाइनेछैन । त्यसो गरे तुरुन्त ओरालिनेछ । सार्वजानिक सवारी साधनमा अश्लिल, महिला बिरुद्धका उद्धरणहरु लेख्न, लेखाउन पाइनेछैन । अश्लिल चित्र र पोष्टर टाँस्न समेत आचारसंहिताले प्रतिवन्ध लगाएको छ । लैङगिक हिंसालाई प्रोत्साहित गर्ने वा महिला बर्गको अपमान हुने खालको गीत-संगित र भिडियो बजाउन पाइनेछैन।
लैङगिक हिंसा बिरुद्धको १६ दिने अभियानका अवसरमा महानगरीय प्रहरी आयुक्तको कार्यालयले गरेको छलफलमा सहभागीहरुले भाडाका सवारी साधनमा महिलामाथी हिंसा हुनेगरेको गुनासो गर्दै त्यस्ता घटना रोक्न प्रहरीलाई आग्रह गरेका थिए ।
आशा गरौँ, यो अभियान पनि प्रचारमै सिमित नहोस!
क्युबाका शल्य-चिकित्सकहरुले भेनेजुएलाका राष्ट्रपति हुगो चावेसको शल्यक्रिया गरेकाछन। सन् 2011 को जुन महिनादेखि यता क्यान्सर सम्बन्धी चौथो शल्यक्रिया गराउनुभएका चावेसको शरिरबाट चिकित्सकहरुले क्यान्सर लागेको अङ्ग हटाएको जानकारी उपराष्ट्रपति निकोलस मदुरोले दिनुभयो। 
