श्री ओबामाले सिरियाको स्थितिका बारेमा छलफल गर्न बुधबार मोरक्कोमा बस्ने विश्वका सत्तरी देशका विदेशमन्त्रीहरुको सम्मेलनलाई आग्रह गर्नुभयो।
सिरियामा राष्ट्रपति बसर अल-असदको सरकार विरुद्ध करिब अठार महिनाअघि शुरु भएको गृहयुद्धमा करिब चालिस हजार मानिस मारिएको दाबी मानव अधिकारकर्मी संस्थाहरुले गरेका छन्।
मेरो विचार: अमेरिका र यूरोपका यी बलिया राष्ट्रहरुले मिलेर विश्वमा दादागिरी मच्चाइरहेको वास्तविकता यिनीहरु आफै पनि अवश्य स्वीकार गर्दछन। यिनीहरुको राजनीतिक निर्देशन र दिशाबोधलाई स्वीकार नगर्ने विश्वका कुनै पनि राष्ट्रका सन्दर्भमा यस्ता निर्णय गर्दा यिनीहरुले गरे प्रजातन्त्र र मानव अधिकार, अरुले गरे अर्काको आन्तरिक मामिलामा हस्तक्षेप हुनेगर्दछ। सद्दाम हुसेनले आफ्नो मुलुकमा शान्ति सुव्यवस्था कायम गर्नका लागि छयासी जना सत्ता विरोधी आफ्ना नागरिकलाई मार्दा आम-हत्या भयो, मानव अधिकारको निहुँमा सात समुद्र पारिबाट आएकाहरुले अर्काको देशका लाखौं निर्दोष नागरिकको हत्या गर्दा त्यो प्रजातन्त्र भयो। यस्तै भयो लिबियामा, मोरक्कोमा, इजिप्टमा; यस्तै भैरहेको छ सिरियामा, प्यालेस्टाइनमा, अफगानिस्तानमा... विश्वको हालको अवस्था यस्तै रहिरहने हो भने केही दशकपछि, सतकपछि विश्वमा एउटा मात्रै धार रहनेछ- अमेरिकी-यूरोपेली धार। र यही धार विश्वमा सर्बश्रेष्ठ प्रजातान्त्रिक धार कहलाउने छ, जसमा एक मात्र तानाशाहले, अथवा तानाशाहहरुको समूहले आदेश दिनेछ, अरु सबैले अनुसरण गर्नेछन, र यसैलाई प्रजातन्त्र र मानव अधिकारको नमूना विश्व व्यवस्था भनिने छ।
तस्विर सौजन्य: बिबिसी /गुगल
No comments:
Post a Comment