चीनको अर्थतन्त्रले पुन गति हासिल गर्दैछ, र विश्वको यस दोश्रो ठूलो अर्थतन्त्रको वृद्धि दरले सन् 2012 मा 7.5 प्रतिसतको रेखा पार गर्नेछ।तथापि, आर्थिक वृद्धि दरमा पुनरावृत्तिका लागि अझै धेरै काम गर्न बाँकी छ, चीनको आर्थिक योजना नियोगका प्रमुखले शनिबार राजधानी बेइजिंगमा आयोजित पत्रकार सम्मेलनमा भन्नुभयो।
गत अक्टुबर महिनामा चीनको अर्थतन्त्रमा उत्थानका संकेतहरु प्रस्टै देखिन्छन र चीनले यस वर्षका लागि तय गरेको आर्थिक वृद्धिको लक्ष हासिल गर्ने सम्भावना बढी छ, चीनको राष्ट्रिय विकास तथा सुधार आयोगका प्रमुख (यस पदको हैसियत मन्त्री सरहको हुन्छ) चांग फिंगले भन्नुभयो। सन् 2012 मा चीनको राजश्व आम्दानी लगभग 127 खर्ब चिनियाँ युअन पुग्ने अनुमान गरिएको जानकारी पनि चांगले दिनुभयो। गत बर्ष चीनको वार्षिक राजश्व कग्भाग103 खर्ब चिनियाँ युअन थियो।
चीनको यस बर्षको तेस्रो चौमासिकको वृद्धि डर 7.4 प्रतिसतमा झरेको थियो जसले विश्वब्यापी आर्थिक मन्दीका कारण सन् 2008 मा देखापरेको आर्थिक अधोगति दोहारिन्छ कि भन्ने चिन्ताको बीऊ चिनियाँ नेतृत्व तहमा रोपेको थियो। तर, चांग फिंगले भन्नुभयो, यस बर्षको आर्थिक अधोगति केही हदसम्म, अर्थात् आंशिकरुपमा, सरकारी हस्तक्षेपका कारण देखापरेको हो। यस वर्षको आर्थिक वृद्धिमा अधोगतिका लागि धेरै पक्षहरु जिम्मेवार छन्, चिनियाँ कम्युनिस्ट पार्टीको अठारौं महादिवेशनले आफ्नो कारबाही जारी राखेको अवधिमा आयोजित पत्रकार सम्मेलनलाई सम्वोधन गर्दै चांगले भन्नुभयो, जस्तै चिनियाँ अर्थतन्त्रको दिगो विकासलाई मूर्त रुप दिनका लागि यस वर्षको आर्थिक वृद्धि दरलाई 7.5 प्रतिसतमा झर्ने निर्णय चिनियाँ सरकारले लिएकोथियो। यसका अतिरिक्त, यूरोपको आन्तरिक ऋण संकट जस्ता वाह्य कारणहरुले पनि उभ्रँदो अर्थतन्त्रको वृद्धिलाई पछाडि धकल्ने काम गर, चांगले भन्नुभयो। तथापि, आर्थिक वृद्धिका पछिल्ला सूचकांकहरुले यस आर्थिक बर्षको शुरुमा तय गरिएको वृद्धिको लक्ष हासिल गर्न सकिने कुरामा हामीलाई विश्वस्त तुल्याएका छन्। महत्वपूर्ण चुनौती र कठिनाइका बाबजुद हाम्रो आर्थिक वृद्धिले अझै पनि साढे सात प्रतिसत वृद्धिको लक्षलाई उछिन्न सक्छ, चांगले भन्नुभयो। तर पनि, आर्थिक उत्थानका लागि चीनको आधार त्यति सबल भइनसकेको अवस्थामा सरकारी तहबाट निगरानीको स्तरलाई कमजोर पार्नु नहुने र प्रयासलाई निरन्तरता दिनुपर्ने कुरामा उहाँले जोड दिनुभयो।
