इरानले एउटा बाँदरलाई सफलतापूर्बक अन्तरिक्षमा पठाएको छ। पिशगम नामका रकेटमा पठाइएको त्यो बाँदर करिब एक सय बीस किलोमीटरको उचाइसम्म पुगेर सकुशल फर्केको इरानी रक्षा मन्त्रालयले जनाएको छ।
इरानको सरकारी टेलिभिजनले त्यस बाँदरलाई रकेटतिर लैजादैगरेका तस्विर देखाएको थियो।
इरानले आफ्नो अन्तरिक्ष कार्यक्रमलाई लामो दूरीको क्षेप्यास्त्र बनाउन प्रयोग गरिरहेको आशंका पश्चिमी देशहरुले गरिरहेका छन। इरानले भने आफ्नो आणविक कार्यक्रम शान्तिपूर्ण प्रयोजनका लागि भएको दाबी गर्दैआएको छ।
इरानले सन् दुइ हजार दसमा सफलतापूर्वक मुसा, कछुवा र साना किराहरु अन्तरिक्षमा पठाएको थियो। तर दुइ हजारएघारमा बाँदर पठाउने कार्यक्रम भने असफल भएको थियो। तस्विर सौजन्य: बिबिसी
