ब्राजिलमा रात्रि क्लबमा मारिएका दुइ सय एकतीसजनाको स्मृतिमा मुलुकभरि तीन-दिने शोक

ब्राजिलको सान्ता मारिया नगरमा संचालित किस नामक रात्रि क्लबमा आगलागी हुँदा मारिएका दुइ सय एकतीसजनाको स्मृतिमा मुलुकभरि तीन-दिने शोकमनाउको घोषणा गरिएको छ।

संगीत मण्डलीका एकजना सदस्यले मन्चमा मशाल बाल्दा सो आगलागी भएको दाबी प्रत्यक्षदर्शीहरुले गरेको भनिएको सो दुर्घटनामा मारिएकामध्ये अधिकांश विद्यार्थी रहेको र उनीहरु धुवाँले निसास्सिएर मरेको त्यहाँका सम्बन्धित अधिकारीहरुले जनाएका छन। 

ब्राजिलमा विगत पाँच दशकमा भएको यो सबैभन्दा खतरनाक आगलागी भएको बताइएको छ। 

तस्विर सौजन्य: बिबिसी