पश्चिमी किनारा र पूर्बी जेरुसलममा तिन हजार नयाँ घर बनाउने इजरेलको निर्णयको विरोध

राष्ट्र संघीय महासभाले राष्ट्र संघमा प्यालेस्टाइनको स्तर बृद्धि गर्ने पक्षमा मतदान गरेको भोलिपल्ट पश्चिमी किनारा र पूर्बी जेरुसलममा तिन हजार नयाँ घर बनाउने अधिकार प्रदान गरेको छ। 

इजरेलको यस निर्णयको विरोधमा बेलायत र फ्रान्सले आफ्नो मुलुकका लागि इजरेली राजदूतलाई बोलाएर नयाँ घर बनाउने इजरेल सरकारको निर्णयको विरोध गरेका छन।

इजरेल सरकारको यस निर्णयले प्यालेस्टिनीहरुसङ्ग शान्ति कायम गर्ने इजरेली प्रतिबद्धतामाथि शंका उत्पन्न गराएको कुरा बेलायतले जनाएको छ।

स्वीडनले पनि इजरेली राजदूतलाई बोलाएको छ भने, रसिया र जर्मनीले पनि इजरेली सरकारको यस निर्णयको विरोध गरेका छन्।

राष्ट्र संघले नयाँ घरहरुको निर्माण प्यालेस्टिनीहरुसङ्ग शान्तिको आशामाथि घातक प्रहार हुनसक्ने चेतावनी दिएको छ। 

Sasang Lama

बाबुरामको सत्ता बहिर्गमनको एकोहोरो आलापमा कुनै तुक्,तर्क नभै केवल लघुताभासले पीडित भै उनको तेजोबध गर्ने नियत मात्र देखिन्छ| बाबुरामको सट्टामा बाजेरामै आएपनि रातारात राष्ट्रिय सहमति हुन्छ भन्ने के ग्यारन्टी? एमाङ्रेसले राष्ट्रिय सहमति ल्याउने बस्तुगत खाका (गफ होइन) जनता सामु ल्याएर आन्दोलन आव्वहाँन गरन| त्य्समा चित्त बुझे जनताले साथ दिन्छ| बित्थाको यो कुर्सी रोदन सुन्दा सुन्दा वाक्कै भैयो|आफ्नै पार्टिभित्र परिपाटी मिलाउन नसक्ने काङ्रेसलाई कुर्सी दिएर देश त झन भडखालमा जाकिहाल्छ नि! पछील्लो राजनीति उठबसले भट्टराई नै ठीक भनेर भनिसके पछि कुरो बुझौँ है! लिँडेढिपी नै गर्ने हो भने गरिराख, आँफै थचारिन्छौ|

मेरो विचार: कुरो त साँचो हो नि, कसो? बाबुरामले राजिनामा दिएको दुइ मिनेटमा प्रधानमन्त्रीको उम्मेदवार घोषणा गर्छौं भन्नेहरु अहिले घोषणा गर्दा के बिग्रन्छ भन्ने चिन्तामा होलान? ल ठीक छ, मानौं एकछिनका लागि। तर बर्षौं लगाएर पनि सहमति गर्न नसक्नेहरुले दुइ मिनेटमा त सहमति गर्नसक्ने कुरै छैन। 

यहाँनेर बुझ्नलायक गुह्य कुरो के हुनसक्छ भने, प्रधानमन्त्रीले ल म बाहिरिएँ, आउनुहोस सहमतिका लागि के गर्नसकिन्छ बार्ता गरौँ भनी बोलाउँदा 'हाम्रो उम्मेदवार उहाँ हुनुहुन्छ, तपाईंहरु सहमतिमा आउनेभए आउनुस, नत्र बाहिरै बस्नुस' भनेर कुर्ची ओगट्ने, माओवादीलाई जिल्लाराम पार्ने। होइन भने, दुइ मिनेटमा सबै मिलाउने जादूको छडी त कसैसँग छैन शायद!  

जापानको ससागो सुरुंग मार्ग भत्किंदा मारिनेहरुको संख्या नौ पुगेको पुष्टि

जापानको राजधानी टोकियो र नागोया नगर जोड्ने महत्वपूर्ण मार्गमा पर्ने ससागो सुरुंग मार्ग भत्किंदा मारिनेहरुको संख्या नौ पुगेको पुष्टि जापानी अधिकारीहरुले  गरेका छन। 

राजधानी टोकियोदेखी करिब असी किलोमिटर पश्चिममा भएको सो दुर्घटनामा ती नौजनाको शव किचिएका तीनवटा वाहनमा पाइएको जानकारी पनि अधिकारीहरुले दिएका छन।

सो दुर्घटनापछि लागेको आगोबाट जोगिनका लागि कयौं मानिस पैदलै बाहिर निस्कन सफल भएको बताइएको छ।

सो सुरुंग मार्गको निर्माणमा भएकोहुनसक्ने लापरबाहीका बारेमा अनुसन्धान भैरहेकाले अहिले सो मार्ग बन्द गरिएको बिबिसीले जनाएको छ।

तस्विर सौजन्य: बिबिसी 

एनेकपा माओवादी अध्यक्ष दाहाल र प्रधानमन्त्री बाबुराम भट्टराईद्वारा कांग्रेस सभापति कोइरालासङ्ग छुट्टा-छुट्टै भेट-वार्ता

एकिकृत नेकपा (माओवादी)का अध्यक्ष पुष्पकमल दाहाल र प्रधानमन्त्री बाबुराम भट्टराईले आज नेपाली कांग्रेसका सभापति सुशील कोइरालासङ्ग छुट्टा-छुट्टै भेट-वार्ता गर्नुभएको छ। सहमतीय सरकार गठनका लागि राष्ट्रपतिले थपेको अर्को एक हप्ताको समयावधि सकिन अब दुइ दिन मात्र बाँकी रहेको अवस्थामा सहमतिको प्रयासस्वरूप उहाँहरु पालै पालो कोइराला निवास महाराजगंज पुग्नुभएको हो।

एकिकृत नेकपा (माओवादी)का अध्यक्ष दाहालले राष्ट्रिय सहमतिको सरकारका विषयमा कांगेस सभापति कोइरालासङ्ग छलफल गरे पनि  सहमति भने हुन नसकेको जानकारी दाहालले संचारकर्मिहरुलाई दिनुभयो। प्रधानमन्त्री बाबुराम भट्टराईकै नेतृत्वमा सहमतीय सरकारको निर्माणका लागि अध्यक्ष दाहालले गर्नुभएको प्रस्तावलाई कांग्रेस सभापतिले अस्वीकार गर्नुभएको बताइएको छ ।

आइतबार बसेको एमाओवादी पदाधिकारी बैठकले भट्टराईकै नेतृत्वमा सहमतीय सरकार गठनका लागि पहल गर्ने निर्णय गरेबमोजिम अध्यक्ष दाहालले कोइरालासङ्ग छलफल गरेको बुझिएको छ ।  

प्रधानमन्त्री भट्टराईले पनि आजै कांग्रेस सभापति कोइरालासङ्ग गर्नुभएको राजनीतिक गतिरोधको अन्त्य सम्वन्धी वार्ता विनानिष्कर्ष टुंगिएको छ । निर्वाचन आयोगमा रिक्त भएको प्रमुख तथा अन्य आयुक्तको नियुक्तिका साथसाथै सर्वोच्च अदालतमा रिक्त हुँदैगएको न्यायाधीशको  रिक्त स्थान पूर्ति सम्बन्धमा प्रधानमन्त्री भट्टराईले कोइरालासङ्ग छलफल गर्नुभएको थियो।

दलहरुबीच सहमतिका आधारमा आगामी तीन दिनभित्र रिक्त पदाधिकारीहरुको नियुक्त प्रक्रिया अघि बढाउने तयारीमा प्रधानमन्त्री भट्टराई लाग्नुभएको छ।

नेपाली महिला पुष्पा वस्नेत सीएनएन हिरो २०१२ की विजेता

कुनै बाल-बालिकाले पनि काराबास जीवन बिताइरहेका आफ्ना आमा-बाबुसङ्ग जेलभित्र बस्नु नपरोस भन्ने उद्धेश्यले त्यस्ता बाल-बालिकाको समर्थन गर्ने नेपाली महिला पुष्पा वस्नेतले सीएनएन हिरो २०१२ को उपाधि जितेकी छन। डिसेम्बरको दुइ तारिख राति घोषणा गरिएको सीएनएन हिरोको नतिजामा पुष्पाले आफ्ना नौजना प्रतिस्पर्धीलाई पाखा लगाउन सफल भइन । 

आमा-बाबु जेल परेपछि उनीहरुका बाल-बच्चाको रेखदेख गर्ने कोही पनि नभएको अवस्थामा आमा-बाबुसँगै जेल जानु बाहेक अर्को विकल्प नभएका बाल-बालिकालाई विकल्प दिन लागिपरेकी उनान्तीस वर्षिया पुष्पाले काठमाडौँमा यस्तो बासस्थानको व्यवस्था गरिन जहाँबाट उनीहरु शिक्षा हासिल गर्नसक्थे, खान पाउँथे, स्वास्थ्य सेवा पाउँथे र सामान्यभन्दा अलिक राम्रो जीवन जिउन सक्थे। आफ्ना आमा-बाबुबाट छुट्टयाउनका लागि सारै साना नानीहरुका लागि पुष्पाले दिवा हेरचाह कार्यक्रम पनि संचालन गरेकी छन। 

'यी बाल-बालिकाहरुले केही गलती गरेका छैनन', लस-एन्जलसमा आयोजित सम्मान कार्यक्रममा पुष्पाले भनिन, 'यिनीहरु आफूले थाहै नपाएको कारणले समातिएका छन', त्यसैले 'यस्ता सबै बाल-बालिकालाई कारागारबाट बाहिर निकाल्नका लागि हामी सरकारसँग मिलेर काम गर्न चाहन्छौं ताकि यिनीहरु उचित भविष्यका हकदार बन्नसकुन।'  

पुष्पाले सन् दुइ हजार पाँचदेखि गैह्र-नाफामुलक संस्था साना बाल-बालिका विकास केन्द्रमार्फत एक सय चालिसभन्दा बढी बाल-बालिकालाई सहयोग गरिसकेकीछन।

नौ हप्तासम्म गरिएको सार्बजनिक मतदानका आधारमा पुष्पा यस वर्षका लागि सीएनएन हिरोको उपाधि जित्न सफल भएकी हुन। उपाधिका साथसाथै पुष्पाले आफ्नो कार्यलाई जारी राख्नका लागि भनेर दुइ लाख पचास हजार डलर पनि प्राप्त गरेकी छन। यसका अतिरिक्त उनले दसजना हिरोले प्राप्त गर्ने पचास हजार डलर पनि प्राप्त गरिन। 

वर्षको हिरो पुरस्कार ग्रहण गर्दै पुष्पाले त्यस्ता नेपाली बाल-बालिकाका नाममा सन्देस जारी गरिन जसमा उनले भनिन: 'यो मेरा बाल-बालिकाका लागि हो, यो मेरो देश नेपालका लागि हो।' यसका साथसाथै उनले आफ्नो पक्षमा मतदान गर्ने सबैलाई धन्यवाद ज्ञापन गर्न पनि बिर्सीइनन।