उत्तर कोरियाले यसै डिसेम्बर महिनामा लामो दूरीको रकेट प्रक्षेपण गर्ने

उत्तर कोरियाले यसै डिसेम्बर महिनाको दसदेखि बाइस तारिख बीचमा लामो दूरीको रकेट प्रक्षेपण गर्नेभएको छ। 

उत्तर कोरियाको सरकारी समाचार संस्था-- कस्नाले जनायअनुसार, यसको उद्देश्य भू-उपग्रह प्रक्षेपण गर्नु हो। यस अघिका असफल प्रक्षेपणहरुलाई अन्तर्महाद्विपीय क्षेप्यास्त्र परिक्षण गर्न उत्तर कोरियामाथि राष्ट्र संघद्वारा लगाइएको प्रतिबन्धको उल्लङ्घन भन्दै आलोचना गर्नेगरिएको थियो। 

उत्तर कोरियाको यस घोषणालाई 'गम्भीर उक्साहट' र 'अन्तर्राष्ट्रिय समुदायलाई चुनौति' भनेको छ।  

तस्विर सौजन्य: बिबिसी 

देशको बारेमा सोच्ने कि, कुर्चीकै मोहमा झुलिराख्ने?

'प्रधामन्त्री बाबुरामको नेतृत्व माओबादी र कांग्रेसलाई स्वीकार्य छैन'। 'भट्टराईको नेतृत्वमा राष्ट्रिय सहमति हुन सक्दैनम प्खेरी पनि सक्दैन'। यसरी बाबुरामको खेदो खन्नेहरुले आफूहरुले अचाक्ली गरेको अनुमान गर्नसकेका छैनन् या गर्न चाहेका छैनन्। कुनै कुनै नेताहरुले त यति तल झरेर बाबुरामलाई गालि गर्नथालेका छन् कि उनीहरुलाई अब नेता भन्न पनि लाज लाग्नथाल्यो। बाबुराम बौलाएकै हुन् भने कसैले अस्पताल लगेर प्रमाणित गर्नुपर्यो, र उनलाई जबर्जस्ति कुर्चीबाट हटाउनुपर्यो। किनकि दिमाग बिग्रेको मान्छे कुनै पनि देशको प्रधानमन्त्री हुन योग्य हुनसक्दैन (भोलि फेरि देश बेच्ने कागतमा हस्ताक्षर गरिदियो भने)। होइन भने, आफ्नो अकर्मण्यतालाई लुकाउनका लागि कसैले यस्तो तल्लो स्तरको गाली गर्छ भने उसको दिमागी हालतका बारेमा प्रश्न उठाउने कि नउठाउने?

व्यक्तिगत रुपमा बाबुरामलाई अस्वीकार गर्ने यी दल, अझ भनौं यी दलका नेताहरुलाई शायद आफूहरुले एकीकृत नेकपा माओवादीलाई अस्वीकार गरिरहेका छौं भन्ने हेक्का छैन। एकीकृत नेकपा माओवादीलाई अस्वीकार गर्नुको अर्थ एकीकृत माओवादीले आफ्नो अपमान गर्नेहरुलाई स्वीकार गर्नुपर्छ भन्ने छैन, शायद।

यदि त्यसो हो भने तिमि सत्तामा जाँदा साथ कसरी हुन्छ राष्ट्रिय सहमति? हिजो त तिमीनै सत्तामा थियौ। किन गरेनौ राष्टिय सहमति? अब बाबुरामले छोडेर तिमी फेरि कुर्चीमा बसेपछि राष्ट्रिय सहमति हुने आधार के छ?

कामचलाउ प्रधामन्त्रीको राजिनामालाई यस्तो प्रमुख विषय बनाएर छ छ महिना विताइसकिएकोछ। अझ उहाँको राजिनामा विना राष्ट्रिय सहमति हुनैसक्दैन भनिदैछ।

नयाँ प्रधानमन्त्रीको नाम लिएर राष्ट्रपतिकाहा जाँदासाथ कामचलाउ प्रधानमन्त्री स्वतः सत्ताबाट बाहिरिने अवस्था हुदाहुँदै तिमी जाउ अनि हामी प्रधानमन्त्रीको नाम सार्वजनिक गर्छौं भन्ने जस्तो रहस्यमय कुरा गरिंदैछ।

प्रधानमन्त्रीको कार्यभार सम्हाल्ने व्यक्तिको शपथ ग्रहण र पदभार ग्रहण अधिनै बाबुराम भट्टराई बाहिरिएपछि सत्ता रिक्तताको स्थिति औंदैन र? यस विषयमा नेपाली राजनीतिज्ञहरुले किन अनभिज्ञता प्रकट गरिरहेका छन? त्यसो भएमा धमिलो पानीमा माछा मार्नचाहनेहरुलाई नै फाइदा पुग्दैन र? अनि तपाईहरुले साठी-सत्तरी वर्षदेखि जारी राख्नुभएको संघर्षको प्रतिफल-- प्रजातन्त्रको हालत के हुन्छ? यसबारेमा सोच्ने कि, कुर्चीकै मोहमा झुलिराख्ने?  

जापानमा ससागो सुरुंग मार्ग भत्किंदा सातजना मानिस बेपत्ता, कैयौं बाहन ध्वस्त

जापानको राजधानी टोकियो र नागोया नगर जोड्ने महत्वपूर्ण मार्गमा पर्ने ससागो सुरुंग मार्ग भत्किंदा सातजना मानिस हराइरहेका छन् भने कैयौं वाहनहरु फसिरहेका छन। 

सो दुर्घटनामा बाँचेकाहरुले कारहरुमाथि निकै ठूलो बज्रपात परेको कुरा बताएका छन।

सो दुर्घटनापछि लागेको आगोले जलेका कयौं लाशहरु देखिएको बिबिसीले जनाएको छ। ससागो सुरुंग मार्ग जापानका सबैभन्दा लामा सुरुंग मार्गमध्येको एक हो।

तस्विर सौजन्य: बिबिसी 

एनेकपा माओबादी अध्यक्ष दाहालद्वारा स्व तामाङप्रति श्रद्धाञ्जलि व्यक्त

एकिकृत नेकपा माओवादीका अध्यक्ष पुष्पकमल दाहालले स्व. भीमबहादुर तामाङ निष्ठा र सरलताको शिखर व्यक्तित्वका रुपमा सबैका लागि प्रेरणाका श्रोत भएको कुरा बताउनुभएको छ। अध्यक्ष दाहाल स्व तामाङप्रति श्रद्धाञ्जलि व्यक्त गर्न आज विहान नेपाली कांग्रेस केन्द्रीय कार्यालय सानेपा पुग्नुभएको थियो।  

तामाङको पार्थिव शरीरलाई श्रद्धाञ्जलिका लागि शनिबारदेखि पार्टी कार्यालयमा राखिएको छ । श्रद्धाञ्जलिपछि सञ्चारकर्मीमाझ अध्यक्ष दाहालले  बिदा हुनुभएको स्मरण गरे । 

तामाङको निधनमा शोक व्यक्त गर्न राखिएको पुस्तिकामा अध्यक्ष दाहालले  आधुनिक नेपाली राजनीतिमा वैचारिक, निष्ठा र सरलताको प्रतीकका रुपमा स्व तामाङले नेपाली समाजलाई अविस्मरणीय योगदान गर्नुभएको कुरा उल्लेख गर्नुभएको छ। उहाँका गुणको आफूले अनुशरण गर्ने कुरा पनि दाहालले शोक पुस्तिकामा उल्लेख गर्नुभएको छ।

तामाङप्रति श्रद्धाञ्जलि अर्पण गर्न उप-प्रधानमन्त्री एवम् परराष्ट्र मन्त्री नारायणकाजी श्रेष्ठ र एनेकपा (माओवादी) का प्रवक्ता अग्नि सापकोटा पनि कांग्रेस केन्द्रीय कार्यालय पुग्नुभएको थियो।

यसैबीच,नेपाली कांग्रेसका  दिबंगत नेता भिमबहादुर तामांगको आजै आइतबार बौद्ध परम्पराअनुसार स्वयम्भुमा दाहसंस्कार गरिएको छ। उहाँका छोरा दीपक तामाङ दाहसंस्कार कार्यमा सहभागी हुनुहुन्थ्यो।