खड्कालाई जोगाउन कांग्रेसको समिति

काठमाडौं , भाद्र १४ - सर्वोच्च अदालतले भ्रष्टाचारी ठहर गरेका नेता खुम- बहादुर खड्काको मुद्दा पुनरावलोकनका लागि खर्च जुटाउन कांग्रेस ले केन्द्रीय सदस्य पुष्पा भुसालको संयोजकत्वमा सहयोग समिति गठन गरेको छ ।

समितिका सदस्य सचिवमा महासमिति सदस्य रमेशजंग रायमाझी छन् । सदस्यहरूमा केन्द्रीय सदस्य शंकर भण्डारी, जिल्ला सभापतिहरूमा नवलपरासीका देवेन्द्रराज कँडेल, काठमाडौंका भीमसेनदास प्रधान, गुल्मीका चन्द्र केसी, रौतहटका श्रीकृष्ण यादव, ललितपुरका मदन अमात्य, डोटीका वीरबहादुर बलायर, मनाङका टेक बहादुर गुरुङ, डडेलधुराका कर्ण बहादुर मल्ल, पूर्वसांसद रवीन्द्रलाल श्रेष्ठ, महासमिति सदस्य मानबहादुर रावल, तरुण दलका सदस्य पूर्ण गुरुङ, व्यवसायी खुम भण्डारी, कार्यकर्ता राजु थापा, ईश्वर भट्टराई, अमृत भट्टचनलगायत छन् ।

सदस्य सचिव रायमाझीले समिति गठनलगत्तै करिब पाँच लाख रुपैयाँ संकलन भइसकेको र यसै साता पुनरावलोकनमा तयारी भएको जानकारी दिए ।