चिनियाँ कम्युनिस्ट पार्टी केन्द्रीय समितिमा युवा उपस्थिति

चिनियाँ कम्युनिस्ट पार्टीको अठारौं महाधिवेशन नयाँ केद्रीय समिति र अनुसाशन अनुगमनका लागि केन्द्रीय आयोगको चयन गरेर आज विहान सम्पन्न भएकोछ। महाधिवेशनले सत्रौं चिनियाँ कन्युनिस्ट पार्टी केन्द्रीय समितिले प्रस्तुत गरेको प्रतिवेदन,  अनुसाशन अनुगमनका लागि केन्द्रीय आयोगको कार्य-प्रतिवेदन र चिनियाँ कम्युनिस्ट पार्टीको विधान संसोधन सम्वन्धी प्रस्ताव पनि पारित गरेको छ।

महाधिवेसनको समापन समारोहमा उपस्थित दुइ हजार तिन सय सातजना प्रतिनिधिलाई सम्वोधन गर्दै चिनियाँ कम्युनिस्ट पार्टीका महासचिव हु चिन थाउले महाधिवेसनले नयाँ केन्द्रीय समितिमा केही पुराना नेताहरुको स्थानमा नयाँ युवा कम्युनिस्टहरुलाई छानेको जानकारी दिनुभयो।महाधिवेसनले गरेका सबै निर्णयहरु र पारित प्रस्ताबहरुले चिनियाँ ढाँचाको समाजवाद निर्माणको लक्ष हासिल गर्नमा महत्वपुर्ण हुने कुरामा आफू विश्वस्त भएको कुरा वताउनुभयो।  

राष्ट्रपति हुद्वारा अध्यक्षता गरिएको समापन समारोहमा च्यांग चमिन, उ पांग कुओ, वन च्या पाओ, च्या चिंग लिन, लि छांग छुन, सी चिन फिंग, लि ख छ्यांग, ह कुओ छ्यांग र चौ युंग खांग उपस्थित हुनुहुन्थ्यो। यीमध्य सी चिन फिंग र लि ख छ्यांग केन्द्रीय समितिमा नया अनुहार हुनुहुन्छ।