विजया दशमीकाे दाेश्राे दिन, अाज पनि टीका लगाउने क्रम जारी

विजया दशमीकाे शुभसाइतमा विजयाेत्सवसहितकाे टीका लगाउने कार्य हिजाे दशमीका दिन घरघरमा सम्पन्न भएकाे छ। तथापि मूल घरदेखि टाढा टाढा रहेका, हिजै टिका थाप्न नसक्ने मानिसहरूले दशैंको टीकाको दोस्रो दिन आज पनि मान्यजनबाट टीका थापेर आशीर्वाद लिने क्रम जारी छ। 

नेपालका कतिपय स्थानमा दशैंकाे टीका मूल दिन, अर्थात विजया दशमीकाे दिन मात्र लगाउने चलन छ। तथापि नेपालकै कतिपय अन्य स्थानहरूमा कोजाग्रत पूर्णिमासम्म नै दशैंकाे टीका लगाउने चलन छ। त्यसैले भनिएकाे हाे, दशैंकाे टीका दश दिन, तिहारकाे एक दिन भनेर। आजका दिन पनि घरमा विधिपूर्वक राखिएको जमरा र टीका देवी दुर्गालाई चढाई मान्यजनको हातबाट टीका, जमरा तथा आशीर्वाद लिने चलन पुरानै हाे।

असत्यमाथि सत्य र आसुरी शक्तिमाथि दैवी शक्तिको विजय भएको खुसियालीमा मनाइने विजया दशमी विश्वभरिका हिन्दुधर्मावलम्वीहरुको मुख्य पर्व हो।

दुर्गा भवानीको अर्चना गरिएको नवरात्रपछि पर्ने यो एकादशी पाप गर्नेकाे विनाश गर्ने एकादशीका रुपमा प्रख्यात छ। तस्विर साैजन्यः गुगल