राष्ट्र संघीय साधारण सभाले प्यालेस्टाइनलाई राष्ट्र संघमा गैह्र-सदसीय पर्यवेक्षक राष्ट्रका रुपमा मान्यता दिन आग्रह गर्दै प्रस्तुत प्रस्तावलाई अत्यधिक बहुमतले पारित गरेको छ। यस प्रस्तावका पक्षमा एक सय अठ्तीस मत र बिपक्षमा नौ मत परेको थियो भने एकचालीस राष्ट्र तटस्थ रहेका थिए। अमेरिका र इजरेलले कडा विरोध गरेको यस प्रस्ताब महासभाद्वारा पारित भएपछि बोल्दै प्यालेस्टिनी प्राधिकरणक अध्यक्ष महमुद अब्बासले इजरेलसँग 'दुइवटा राज्यको समाधानलाई बचाउने यो अन्तिम मौका' भएको कुरा बताउनुभयो।
तर राष्ट्र संघका लागि इजरेली राजदूत भने प्यालेस्टिनीहरुको खुशीमा सहभागी हुनसक्नुभएन। राष्ट्र संघका अत्यधिक बहुमत सदस्य-राष्ट्रको मतको कदर गर्न नसकेका उहाँले यस परिणामले शान्ति प्रक्रियालाई पछाडि धकलेको दाबी गर्नुभयो भने, अमेरिकी राजदूतले यस धटनालाई 'दुर्भाग्यपूर्ण' भन्नुभयो।
आजका दिनदेखि प्यालेस्टिनी प्राधिकरणले अब राष्ट्र संघका छलफलहरुमा भाग लिन सक्छ, र अन्तर्राष्ट्रिय आपराधिक अदालत जस्ता अङ्गहरुमा प्रतिनिधित्व जनाउन सक्छ।
राष्ट्र संघमा भएको यस मतदानको परिणाम घोषणापछि प्यालेस्टाइनको रमाल्ला, पश्चिमी किनारामा सर्बसाधारणद्वारा व्यापक खुशियाली मनाइएको बिबिसीले जनाएको छ।
तस्विर सौजन्य: बिबिसी
No comments:
Post a Comment