— निलकण्ठ शर्मा
१ गणतन्त्र = एउटा राजा हटाएर सयौ राजारानी, युवराज र भाइभारदार जन्माउने, हुर्काउने, तिनको लालनपालन गर्ने र यिनिहरु वृद्ध भएपछि पुर्ब बिशिस्ट पदाधिकारीलेको नाममा गरिबको गास काटेर यिनैलाई जीवनभर सुबिधा दिने व्यवस्था ।
२ संघीयता = सिंहदरबारको भ्रस्टाचार प्रदेश र गाउँ गाउँमा पुर्याउनु, हजारौं नेता र कार्यकर्ताको व्यवस्थापन र रोजगार, प्राकृतिक साधन र श्रोतको जथाभावी दोहन, भुरेटाकुरे राजा र जिम्मुवाल मुखियाको पुनरावृत्ति, सत्ता र शक्तिको लागि जस्तो अपराध र कुकर्म गर्न पनि हुने ।
३ लोकतन्त्र = लोक र नागरिकको रुचि र जनमतको ख्याल नगरी सत्तामा बस्नेहरुले मानवता र विवेक गुमाएर, आफ्नो र आफन्तको हितमा गरिने सम्पुर्ण अनैतिक कामहरु ।
४ समावेशी = आफ्नो परिवारका सदस्य, पतिपत्नी, छोराछोरी, सालासाली, प्रेमीप्रेमिका, आफन्त, नातागोता, चम्चे, धुपौरे, दासत्व स्वीकार गर्ने कार्यकर्ता, बिचौलिया, दलाल र गुन्डा, अपराधीहरुलाई सत्ता र शक्तिको वरिपरि राख्ने परिपाटी ।
५ समानुपातिक = पतिपत्नी, छोराछोरी, सालोसाली, प्रेमीप्रेमिका, तस्कर, बिचौलिया र स्वार्थमा प्रयोग हुने व्यक्तिहरुलाई सत्ता र शक्तिमा पुर्याउने पद्धति ।
आदरणीय साथीहरू,
समग्रमा कार्यान्वयन पक्ष यस्तै छैन र ?
No comments:
Post a Comment