भोलिदेखि तिहार शुरु

भोलिदेखि नेपाल र विश्वका अन्य मुलुकमा बसोबास गर्ने हिन्दुहरु आफ्नो दोश्रो ठूलो चाड- तिहार मनाउने तरखरमा छन्। भोलिदेखि तिन दिनसम्म मनाइने, र अन्तिम दिन भाइ टीका लगाएर सम्पन्न हुने यस चाड मनाउन— आफ्ना दिदी-बहिनीका हातबाट टीका लगाउनका लागि दाजु-भाइहरु जहाँ भए पनि सम्भव भएसम्म घर आइपुग्छन। 

खासगरी, खराबमाथि असलको विजयका रुपमा मनाइने यस चाडका बेला घर-घरमा बत्ती बाल्ने, पटका पट्काउने गरिन्छ। यसो गर्दा दुष्टात्माहरु भाग्दछन भन्ने मान्यता रहिआएको छ।

दाजु-भाइ र दिदी-बहिनी बीचको पवित्र प्रेमलाई दर्शाउने यस धार्मिक पर्वका अवसरमा नेपाल र विश्वभरि रहेका सबै नेपाली र अन्य सबैमा हार्दिक शुभकामना व्यक्त गर्दछु। 

यो पर्व तपाईहरु सबैका लागि शुभ होस्, रमाइलो होस्, यी तीन दिन हाँसी-खुशी बितुन। यही मेरो शुभकामना छ।  

कमल लम्साल 

काठमाडौँ, नेपाल