पाकिस्तानको खैबर जातीय क्षेत्रको बजारमा कार बम बिस्फोटन: कम्तिमा सत्रजनाको मृत्यु

पाकिस्तानको उत्तर-पश्चिममा पर्ने खैबर जातीय क्षेत्रको बजारमा गराइएको कार बम बिस्फोटनमा परी कम्तिमा सत्रजना मारिनुका साथै दर्जनौं अन्य घाइते भएका छन्। 

खैबरको मुख्य शहर जमरुद्को एउटा बजारमा गराइएको सो बिस्फोटनमा परी मारिनेमध्ये महिला र केटा-केटी पनि रहेका छन। घाइतेहरुलाई पशावारको अस्पताल पुर्याइएको बताइएको छ। 

खैबरको जातीय प्रशासकको कार्यालय नजिकै गराइएको सो बिस्फोटनको जिम्मेवारी कुनै पनि समूहले लिएको छैन।

तस्विर सौजन्य: बिबिसी