भौतिक योजना तथा निर्माण मन्त्रालयका भूतपुर्ब सहसचिव सावित्री राजभण्डारीलाई विशेष अदालतले भ्रष्टाचारी ठहर गरेको छ । राजभण्डारीले दुइ करोड छयालीस लाख उन्नाइस हजार नौ सय बत्तीस रुपियाँ भ्रष्टाचार गरेको ठहर विशेष अदालतका अध्यक्ष न्यायाधीश गौरीबहादुर कार्की तथा सदस्यहरु न्यायाधीश ओमप्रकाश मिश्र र केदारप्रसाद चालिसेको इजलाशले गरेको हो।
विशेष अदालतले आज मंगलबार गरेको फैसलाअनुसार, भ्रष्टाचार गरे बराबरको रकम जरिवाना हुने र त्यसबाट बढे-बढाएको सम्पत्तिसमेत जफत हुनेछ । साथै, आफ्नो अधिकारको दुरुपयोग गरी भ्रष्टाचार गरेकाले राजभण्डारीलाई एक वर्ष कैद सजाय पनि भोग्नुपर्ने फैसलामाउल्लेख छ ।
२०२२ सालमा शाखा अधिकृतबाट निजामती सेवामा प्रवेश गरेकी राजभण्डारी भ्रष्टाचारको कसुरमा दोषी ठहरिएकी नेपालकी प्रथम महिला उच्च प्रशासक हुनुहुन्छ ।
No comments:
Post a Comment