भिएतनाममा चीन विरोधी प्रदर्शन तत्कालै रोकियो

क्षेत्रीय समुद्री सीमासम्बन्धी विषयलाई लिएर भिएतनाममा आज आइतबार आयोजना गरिएको चीन विरोधी प्रदर्शनमा सहभागी प्रदर्शनकारीहरुलाई प्रहरीले तत्कालै तितरबितर पारेको छ। पेट्रोलिएम पदार्थको खोजीमा लागेको भिएतनामी पानी जहाजको तार चिनियाँ पक्षले काटेको आरोप भिएतनाम सरकारले गत महिना लगाएपछि दुइ पक्ष बीच तनाव बढेको बताइएको छ। 

चिनियाँ नयाँ राहदानीमा दक्षिणी चिनियाँ समुद्रको विवादित जल-क्षेत्रलाई चिनियाँ सीमा-क्षेत्रका रुपमा समावेश गरिएकोमा भिएतनाम असन्तुष्ट भएको बिबिसीले जनाएको छ। यसलाई चिनियाँ अर्घेल्याँइ र विस्तारवाद ठान्ने सयौं मानिसले प्रदर्शनमा भाग लिएका थिए। तर, भिएतनामको सबैभन्दा ठूलो शहर हो चि मिनको प्रदर्शन  पैचालिस मिनेट र राजधानी हनोइको प्रदर्शन आधा घन्टामा रोकिएको थियो। 

भिएतनाम, फिलिपिन्स र ताइवानले चिनियाँ राहदानीमा छापिएको नक्साले आफ्नो सार्बभौमिकताको उल्लङ्घन भएको भन्दै छिन् समक्ष विरोध जनाएको बताइएको छ। 

भिएतनाम र फिलिपिन्सले त नयाँ चिनियाँ राहदानीमा छाप लगाउन अस्वीकार गर्दै छुट्टै कागतमा प्रवेशाज्ञा जारी गर्नेगरेको बिबिसीले जनाएको छ। 

तस्वीर-सौजन्य: बिबिसी