बढ्दो दुर्घटना दरलाई घटाउनका लागि तयार पारिएको नयाँ यातायात नियमलाई जनताको विरोधपछि स्थगित

मुलुकको बढ्दो दुर्घटना दरलाई घटाउनका लागि तयार पारिएको नयाँ यातायात नियमलाई जनताको विरोधपछि चीन सरकारले स्थगित गरेको छ। पहेंलो बत्ती बलेका बेला गाडी नरोकिकन चौराहा पार गर्ने चालकहरुका सन्दर्भमा लागू गरिएको पछिल्लो नियममा दुइ पटकसम्म यस्तो गलती गरेमा चालक अनिमतिपत्र रद्द गर्ने व्यवस्था थियो। पहेंलो बत्ती बल्नासथ एक्कासी गाडी रोक्दा झन् धेरै दुर्घटना हुनेगरेको गुनासो मानिसहरुले गर्नथालेपछि त्यस नियम हालका लागि स्थगित गरिएको बताइएको छ। 

चीनमा यातायातसङ्ग सम्बन्धित दुर्घटनामा गत वर्ष मात्र साठी हजारभन्दा बढी मानिस मारिएका छन। यातायात व्यवस्थालाई अरु व्यवस्थित गर्नका लागि जनवरी एक तारिखदेखि लागू गरिएको नयाँ नियममा तोकिएकोभन्दा बढी गतिमा हाँक्ने, मादक पदार्थ सेवन गरेर गाडी चलाउने र गाडी चलाइरहेका बेला मोबाइल फोनमा कुरा गर्ने चालकहरुका लागि सजाय बधाईएको थियो। 

मेरो विचार: जनताको गुनासो सुन्नु राम्रो कुरा हो। तर जनताका गुनासा सही छन कि छैनन भन्ने बारेमा पनि सोच्नुपर्ने हुन्छ। पहेंलो बत्ती बल्नासथ एक्कासी गाडी रोक्दा झन् धेरै दुर्घटना हुनेगरेको गुनासो मानिसहरुले गर्नथालेपछि त्यस नियम हालका लागि स्थगित गरियो रे। यातायातलाई नियमित गर्नका लागि राखिएका बत्तीहरुको त पालना गर्नुपर्छ नि, हैन र? चौराहानेर आइपुग्दा पहेलो या रातो बत्ती बल्नसक्छ भन्ने कुराको हेक्का त चालकमा हुनुपर्यो नि। अनि परैबाट गति नियन्त्रण गरेर आउनुपर्यो। 

पहेंलो बत्ती बल्नासथ एक्कासी गाडी रोक्दा झन् धेरै दुर्घटना हुनेगरेको गुनासो गर्ने मानिसहरुले त्यस अप्रिय अवस्थालाई रोक्नका लागि रोइकराई यस नियमलाई त स्थगित गराए, तर पहेलो बत्ती बलेका बेला चौरहाका चारैतिरबाट चारवटा गाडी आएर आपसमा ठोक्किए भने के हुन्छ भन्ने बारेमा तिनीहरुले सोचेका छन्?

तस्विर सौजन्य: बिबिसी