भ्रमण गर्नुपर्ने एसियाका उत्कृष्ट शहरहरुको सूचीमा काठमाण्डौं पनि

यो वर्ष भ्रमण गर्नुपर्ने एसियाका उत्कृष्ट शहरहरुको सूचीमा काठमाण्डौं पनि परेको छ। भ्रमणका लागि सुझाव दिने प्रशिद्ध अमेरिकी वेभसाइट ट्रिपएडभाइजर डट कमले सन् २०१३ का लागि तयार पारेको एसियाली शहरहरुको सूचीमा काठमाण्डौं १० नम्बरमा परेको छ।

काठमाडौँ साँझपख 

ट्रिपएडभाइजरको भ्रमण सूचीमा परेको नेपालको राजधानी काठमाण्डौंका बारेमा उल्लेख गर्दा  ऐतिहासिक स्थल, प्रसिद्ध मठमन्दिर, तीर्थस्थल र मनमोहक गाउँले घेरिएको भनिएको छ।

‘त्यसमाथि तीनवटा दरबार स्क्वायर मात्र नभई पर्वतारोही र पदयात्रीलाई एकै थलोमा जमघट गराउने ठमेल पनि यहीँ छ’, ट्रिपएडभाइजरले तयार पारेको २५ वटा शहरको सूचीमा काठमाण्डौंको बयान यसरी गरिएको छ।

सूचीमा कम्बोडियाको सियाम रिप पहिलो स्थानमा छ। दोस्रो र तेस्रो स्थानमा चीनको बेइजिङ र साङघाइ परेका छन भने चौथोमा थाइल्याण्डको चियाङ माई, पाँचौमा माल्दिभ्सको माले, छैटौंमा भारतको गोआ, सातौंमा फिलिपिन्सको बोराके, आठौंमा चीनकै हङकङ र नवौंमा भियतामको हनोइ शहर परेका छन। साभार: नागरिक