नेपालमा ५ दशमलव ७ रेक्टर स्केलको भूकम्प

सिन्धुपाल्चोक उत्तरको तिब्बती भागमा केन्द्रबिन्दु बनाएर ५ दशमलव ७ रेक्डरस्केल मापन गरिएको भुकम्प काठमाडौंसहित देशका विभिन्न भागमा सोमवबार बेलुकी सवा सात बजे धक्का महसुस भएको छ । भूकम्प को क्षतिबारे मापनकेन्द्रले खोजी गरिरहेको छ । यसै गरी रसुवामा पनि भूकम्प को धक्का महसुस गरिएको छ । संयुक्त राष्ट्र संघको व्युरो अफ क्राइसेस प्रिभेन्सन २००४ को प्रतिबेदन अनुसार विश्वका १९८ मुलुक मध्ये नेपाल भूकम्पीय जोखिमका दृष्टिले ११ औं स्थानमा पर्दछ । नेपाल, क्षेत्रफलका हिसावले सानो मुलुक भए पनि विपद् जोखिमका दृष्टिले विश्वकै अग्रपङ्तिमा छ । विभिन्न अध्ययन अनुसार विश्वका १९८ मुलुक मध्ये नेपाल पानीजन्य प्रकोपका दृष्टिले ३० औं र जलवायु परिर्वतनको जोखिमका दृष्टिले चौथो स्थानमा पर्दछ । भूकम्प ज्यादै डरलाग्दो र विनाशकारी प्रकोप जन्य घटना हो । नेपाल भूकम्प बाट हुनसक्ने जनधनको क्षतिका दृष्टिकोणले अति नै जोखिमपूर्ण राष्ट्र मानिन्छ । १९९० साल माघ २ गते गएको भूकम्प नेपालका लागि अहिले सम्मकै विनाशकारी भूकम्प मानिन्छ । सो भूकम्प मा परी नेपालमा मात्रै करिब नौं हजार मानिसको ज्यान गएको थियो भने हजारौं घर तथा अन्य भौतिक संरचना ध्वस्त भएका थिए । भीमसेन थापाले बनाएको धरहरा र चन्द्रशम्सेरले बनाएको घण्टाघर पनि सोही भूकम्प मा भत्किएका थिए । अहिले १९९० सालकै क्षमताको भूकम्प नेपालमा फेरि दोहोरिएर आए जनधनको धेरै क्षति हुने अनुमान गरिएको छ ।